Home Uncategorized Deputadu Konsidera Fo’os “Lahuk”, CLN Lori Fo’os 15 ba AIFAESA Halo Teste

Deputadu Konsidera Fo’os “Lahuk”, CLN Lori Fo’os 15 ba AIFAESA Halo Teste

399
1
SHARE
Funsionariu CLN, Kuarta (17/05/2017), hit hela fos iha Armazem Tibar hodi lori ba AIFAESA nune'e bele halo teste ba fos refere lahuk ona ka lae. Photo: TTN/Fidelio Ramos

By: Fidelio RAMOS

THETIMORNEWS.com, TIBAR – Relasiona ho fiskalizasaun hosi membru Parlamentu Nasional (deputadu/a) ne’ebe konsidera fo’os ne’ebe rai iha armazem Tibar “lahuk” autoridade Centro Logístico Nacional (CLN) Ministeriu Komersiu, Industria no Ambiente autoriza hodi lori fo’os saku 15 ba Autoridade Inspeksaun Fiskalizaaun  Atividade Ekonomika Sanitaria Alimentar (AIFAESA) hodi halo teste.

Administrator Centro Logistica Nacional (CLN) – MCIA, Nivio Magalhães.

Objektivu CLN hakarak halo teste atu hatene fo’os ne’ebe kestiona hosi reprezentante povu iha orgaun soberanu Parlamentu Nasional ne’e los duni ka lae.

“Horseik ita nia deputadu sira mai halo fiskalizasaun, mai armazen Tibar dehan CLN presiza halo teste ba kualidade  fo’os, tamba ne’e, maka horseik loraik ami kontaktu kedas AIFAESA hodi  mai foti sai fo’os ne’ebe dehan fohuk hodi halo teste iha tempu badak nune’e bele hatudu rezultadu diak ka a’at,” dehan Nivio Magalhães, Administrador CLN  ba Jornalista sira iha armazen Tibar, Munisipiu Liquisa, Kuarta (17/05/2017).

Tuir Nivio Magalhães ne’ebe kaer knar mos nudar Prezidenti Concelho Administrasaun MCIA, observa katak, fo’os iha armazen refere sei diak hela. Maibe, nia rasik rekonese iha saku fo’os balun mak foer tamba foer hosi labadain ne’ebe monu hosi uma kakuluk no manu semo tama husi uma armazen nia rede kuak hodi tama ba halo foer iha saku lolon.

Fo’os ne’ebe rai hela iha Armazem Tibar, Munisipiu Liquisa. Photo: TTN/Fidelio Ramos

“Wainhira rezultadu teste maka hatudu  duni positive,  sei fan ba publiku iha tempu badak nia laran,” dehan Nivio.

Fo’os ne’ebe rai ih armazem Tibar, importa hosi Vietnam hamutuk 9 mil toneladas, ne’ebe sosa ho orsamentu US$ 3,640,000.

“CLN mos planeia atu importa tan fo’os hosi rai liur, maibe ne’e mos sei hare’e lai konsumu nasional sufsiente ka lae, foin mak halo importasaun,” dehan Nivio.

Administrator Centro Logistica Nacional (CLN) – MCIA, Nivio Magalhães (hatudu liman) orienta hela nia funsionariu lori fo’os iha armazem laran hodi lori ba AIFAESA halo teste. Photo: TTN/Fidelio Ramos

Antes ne’e tuir publikasaun Lia Bankada FRETILIN iha Parlamentu Nasional nian iha nia publikasaun liu hosi Funpage Facebook hateten fo’os hamutuk 4800 mil tonelada ne’ebe governu sosa ho orsamentu jeral estadu tinan 2015, lahuk tiha ona iha armazem governu nian ne’ebe iha Tibar, Munisipiu Liquisa wainhira Deputadu Komisaun D ne’ebe trata asuntu ekonomia no dezenvolvimentu, husi Bankada FRETILIN Aurelio Freitas Ribeiro, Deputada Angelica da Costa hamutuk Deputada husi Bankada CNRT Virgina Ana Belo halo fiskalizasaun ba armazen refere.

“Foos 4800 toneladas, fo’os sira ne’e tama iha inisiu 2016, hatudu katak nia durasaun rai ne’e kleur tiha ona. Fo’os ne’e tuir lolos rai ne’e masimu mak fulan nen (6) agora rai to’o ona fulan 14 seidauk distribui, realidade kondisaun fo’os ladiak ona,” dehan Aurelio.

Fo’os 4800 mill toneladas ne’e, governu sosa ho valor kada toneladas US$ 365, total kuaze millaun dolares amerikanu 2 ne’ebé lahuk iha armagen governu no sei estraga deit bainhira rejultadu teste hatudu labele konsumu ona.

“Se fo’os ne’e labele konsumu, entau osan kuaze millaun rua dollar Americanu ita soe deit. Uluk kedas ami sempre kestiona gestaun armazen fo’os ne’e ladun diak,” dehan Aurelio.

Editóra: Agida DOS SANTOS I COPYRIGHT@2017

1 COMMENT

LEAVE A REPLY

Please enter your comment!
Please enter your name here