Home desportu AFC Fo Treinamentu ba Treinador Timoroan 18

AFC Fo Treinamentu ba Treinador Timoroan 18

57
0
SHARE
Prezidenti interinu FFTL, Osorio Florindo akomapana sekretariu jeral FFTL, Nelio Isaac Sarmento wainhira hao konferensia impresa na atividade treinamentu ba treinador ho nivel sertifikadu grau C. Photo: TTN/Hortencio Sanches

By: Hortencio SANCHES

THETIMORNEWS.com, DILI – Atu hasa’e kualidade no nivel treinador futebol iha Timor-Leste, Federasaun Futebol de Timor-Leste (FFTL) servisu hamutuk ho Konfederasaun Futebol Azia (AFC) realiza treinamentu ba treinador Timoroan nain 18 hodi hetan sertifikadu grau C.

Durante ne’e, maski desde tinan 2004 AFC fo ona treinamentu ba treinador Timoroan sira, maibe ho grau D sedauk sufsiente atu treinador sira bele aplika ou pratika sira nia skill iha treinador nian.

Iha treinamentu ne’e, maioria treinador ne’ebe tuir treinamentu ne’e mai hosi treinador Liga Futebol Amadora (LFA) hahu segunda divisaun no primeira divisaun.

“Hau hanoin Formador husi AFC mai fo ba treinador Timoroan sira ne’e hanesan oportunidade diak ida tanba durante ne’e treinador barak mak kaer klubu, maibe ho deit sertifikadu D atu lisensa sae tan difisil uitoan entaun ita iha fulan ida ne’e hetan lisensa atu sae ba C entaun ne’e oportunidade diak tebes,” dehan Osorio Florindo, Prezidenti interinu FFTL iha konferensia Imprensa, Seguda (15/05/2017), iha Xanana Sport Center.

Tuir orariu, treinamentu ne’e sei halao durante semana rua  hahu husi 15 Maiu to 27 Maiu 2017 iha FFTL House no Kampu FFTL Dili.

Editóra: AGida DOS SANTOS I COPYRIGHT@2017

LEAVE A REPLY

Please enter your comment!
Please enter your name here