Home nasional Dadur Ida Mate Iha Prizaun Becora

Dadur Ida Mate Iha Prizaun Becora

1713
0
SHARE
Ne'e mak Prizaun Becora, Dili ne'ebe durante ne'e sai sentru ba dadur sira nia uma ba sala ne'ebe sira kumpri. Photo: google.com

By: Fidelio RAMOS

THETIMORNEWS.com, DILI – Dadur ho naran Florindo dos Santos, tinan 34, iha sabadu (13/05/2017) mate tamba hetan asidenti monu wainhira atu monta vintuna iha plafon leten area dapur nian iha tuku 7 dadersan.

Diretór Prizaun Becora, João Domingos informa, dadur Florindo konsege hetan salva hosi nia kolega dadur seluk no guarda prizineiru ne’ebe lori kedan nia ba Ospital Nasional Guido Valadares hodi hetan tratamentu, maibe la konsege salva  nia vida tamba impaktu husi hirus matan ne’ebe hetan sofre makas .

“Nia monu tun baku hirus matan ba moru lori ba hospital halo tratamentu la konsge salva vida,” hatete João Domingos ba Jornalista sira iha kna’ar fatin Segunda, (15/05/2017).

Diretor ne’e afirma, familia sira husi matebian dadur ne’ebe hela Iha Dili mos halo kedas deklarasaun ida hodi  lakhoi no la konkorda halo outopsia ba matebian ne’e ne’ebe mate tamba distinu no Familia sira sei la halo keixa.

“Famililia sira husi matebian nian   iha Dili sira rasik lakoi halo outopsia ida tan nia rasik mak hakarak halo rasik servisu ne’e I sira to kedas iha fatin akontesementu laiha ema ida mak baku,” dehan nia.

Matebian dadur Florindo ne’e dadur hosi Lospalos Munisipiu Lautem, hetan pena tinan 15 tamba komete iha  kazu omesidu.

Wainhira hetan asidente, dadur ne’e halo servisu monta vintuna ho voluntariamente. Durante ne’e, iha prizsaun laran mos nia ajuda servisu ten iha dapur no fahe hahan.

Mate isin mos guarda prizaun akompana hodi lori to’o nia hela fatin iha Lospalos.

Editóra: Agida DOS SANTOS I COPYRIGHT@2017

 

LEAVE A REPLY

Please enter your comment!
Please enter your name here