Home internasional Timor-Leste Selebra Tinan 100  Nossa Señora Mosu Iha Portugal

Timor-Leste Selebra Tinan 100  Nossa Señora Mosu Iha Portugal

767
0
SHARE
Igreja Katolika Timor-Leste, Sabadu (13/05/2017) selebra tinan 100 loron mosu Nossa Senora iha Fatima, Portugal. Photo: TTN/Hortencio Sanches

By: Hortencio SANCHES

THETIMORNEWS.com, DILI – Sabadu (13/05/2017) ohin loron kompleta ona tinan 100 ba loron Nossa Señora mosu ba labarik nain 3 iha Cova de Iria, Fatima, Portugal. Timor-Leste ne’ebe maioria relijiaun Katolika mos la haluha hodi selebra tinan 100.

Lucia, Francisco no Jacinta, labarik nain 3 ne’ebe hetan Nossa Senora mosu iha Fatima, Portugal iha 13 Maiu 1917. Ohin loron Igreja Katolika iha mundu selebra nia loron ba tinan 100.

Iha 13 Maiu 1917, labarik nain 3 ho naran Lucia de Jesus (tinan 10), Francisco Marto (9) no Jacinta Marto (7) hetan grasa tamba hasoru Nossa Señora hodi rona no simu mensajem ne’ebe inan hosi Jesus Cristo ne’e hato’o ba sira nain 3.

Iha Dili, igreja Katolika halo missa selebrasaun iha Jardim Nossa Senora de Fatima Lecidere, Dili. Antes missa organiza halo prosesaun ho Nossa Señora de Fatima haleu resintus Jardim Lecidere hahu tuku 3:45 lokoraik  hodi tama ba jardin laran hodi missa iha fatin refere.

Iha selebrasaun misa hahu 3:52 no remata 7:25 lokoraik, misa ba selebrasaun prezide husi Amu Bispu Dioseze Dili Dom Virgilho do Carmo no amu lulik sira husi parokia iha dili laran no reprezentante vatikanu nian iha Timor – Leste.

Bispu Diocese Dili, Dom Virgilio do Carmo wainhira lidera misa selebrasaun tinan 100 loron mosu Nossa Senora iha Fatima, Portugal. Photo: TTN/Hortencio Sanches

Misa ne’e mos hetan partisipa husi Prezidente da Republika Taur Matan Ruak ho nia espoza ho nia espoza Isabel Ferreira, Primeiru Ministru, Dr. Rui Maria de Araujo ho Espoza, Xefe Estadu Maior Ge

neral Lere Anan Timur no Espoza.

Hafoin de remata misa, Igreja intrega mos Bodas de Prata no Ouru ba kabenain sira ne’ebe mak halo tinan kaben nian iha 13 Maiu, iha intrega ne’e kabenain lubuk ida, maibe husi Kaben nain 3 mak reprezenta.

Kaben nain 3 ne’ebe reprezenta mak hanesan PR Taur ho espoza, PM Rui Maria Araujo ho espoza no Mario Carascalão ho espoza intrega diretamente husi Amu Bispu Diocese Dili Dom Virgilio do Carmo.

Selebrasaun ne’e hetan partisipasaun sarani katolika iha Dili kuaze 700 resin inklui madres, frater no Estudante eskola iha Dili laran.

Misa ne’e hetan apoiu seguransa husi PNTL munisipiu Dili unidade Tranzitu, korpus eskuterus no organizasaun THS/THM durante misa hahu no remata situasaun lao normal no susesu.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here