Home divertementu MTAK Uza Konsertu Amizade TL-Koreia Sul ba Promosaun Turizmu

MTAK Uza Konsertu Amizade TL-Koreia Sul ba Promosaun Turizmu

143
0
SHARE
Grupu Taekwondo Timor-Leste ne'ebe hatudu mos sira nia talenta iha Konsertu Amizade Timor-Leste - Koreia Sul, Domingu (14/05/2017), iha CCD Dili. Photo: TTN/Hortencio Sanches

By: Hortencio SANCHES

THETIMORNEWS.com, DILI – Konsertu Amizade Timor-Leste ho Koreia Sul ne’ebe halao durante ne’e, Miniesteriu Turismu, Arte no Kultura (MTAK) uza hodi halo promosaun mos ba fatin turismu iha Timor-Leste ba povu Koreia Sul.

Hee Jun Han, artista Koreia Sul ne’ebe famouzu liu hosi eventu America Idol ne’ebe hola parte mos iha konsertu amizade Timor-Leste ho Koreia Sul, Domingu (14/05/2017), iha CCD Dili.

Konsentru amizade entre Timor-Leste no Koreia Sul halao ba dala tolu ona ho obektivu hodi selebra loron aniversariu bilateral relasaun diplomata entre rai rua nian ba dala 15.

Ministra Turismu, Arte no Kultura interina, Maria Isabel atual Sekretaria Estadu Arte no Kultura ne’e hateten, konsertu ne’e atu hametin diak liu tan amizade entre rai rua ne’e nian diak liu tan iha futuru.

“Konsertu amizade Korea no Timor – Leste sai hanesan ezemplu anual halo ba ida ne’e dala 3 ona nia objetivu atu hametin no haburas koperasaun diak entre rai rua ne’e. Atividade ne’e atu promove area turizmu no kultura Timor-Leste nian ba mundu internasional,” dehan Maria Isabel iha nia diskursu bainhira hahu konsertu refere iha CCD Dili, Domingo (14/05/2017).

Artista Koreia Sul ne’ebe kanta iha konsertu amizade ne’e mak B-Boy Team SERD, Ladies’Code, no Hee Jun Han. Timor-Leste nian reprezenta hosi Gerson Oliveira no Cidalia. Alende artista sira, iha mos performance hosi grupu Taekwondo hosi Timor-Leste no Koreia Sul.

Hola prezensa mos iha konsertu ne’e Ministru Koordenador Administrasaun Estadu e Ministru Administrasaun Estatal, Dionisio Babo Soares, Embaixador Koreia Sul ba Timor -Leste Kim-Kinam, membru Parlamentu Nasional no membru korpu diplomatiku balun.

Editora: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here