Home internasional Ro’o Turista Paul Gauguin Australia Lori Turista 266 Vizita Dili

Ro’o Turista Paul Gauguin Australia Lori Turista 266 Vizita Dili

326
0
SHARE
Ro'o Paul Gauguin hosi Australia ne'ebe vizita Timor-Leste hodi lori turista hosi Australia. Photo: google

By: Hortencio SANCHES

THETIMORNEWS.com, DILI – Ro’o Ahi Turista hos tipu Cruise ho hanaran Paul Gauguin hosi Australia lori turista nain 266 mai Dili, Timor-Leste.

Ro’o cruise hosi Australia ho naran Paul Gauguin ne’ebe vizita mai Dili, Timor-Leste, Kinta (11/05/2017). Photo: TTN/Hortencio Sanches

Ro’o Ahi Paul Gauguin ne’e mai Dili iha Dili tuku 08.00 dadersan, Kinta (11/05/2017),  no para iha tasi laran parte Pantai Kelapa nian. Tuir orariu, ro’o ne’e sei husik Timor-Leste iha tuku 20:00 kalan.

Iha fatin hanesan Port Agent ANL Timor, Emicios Esteves hatete, ro’o ne’e mai hodi lori turista hosi Australia sira hodi mai pasiar no hare rai Timor – Leste durante loron ida nia laran.

“Ro’o ne’e mai hansa lori pasiar turista sira deit hodi hare ita nia rai,” dehan Emencio Esteves ba THETIMORNEWS via telefone Kinta (11/05/2017).

Maski ro’o ne’e lori turista Australia vizita Timor-Leste, maibe parte Ministeriu Turismu, Arte no Kultura laiha konsementu no lahatene vizita ro’o ne’e.

David da Conceição, Xefe Departementu Operasional APORTIL (instituisaun ne’ebe responsavel ba atividade Portu Dili nian) hatete, vizita ro’o turista ne’e Agensia ANL Timor mak responsavel tomak.

“Los duni ro’o ne’e mai, servisu agensia (ANL Timor) ninian,” informa David da Conceição.

Tuir dokumentu ro’o nian ne’ebe APORTIL simu, Ro’o Cruise ho naran Paul Gaugine ne’e mai hosi Thursday Island, Australia no nia desinasaun atu ba Ilha Komodo, Nusa Tengara Timur, Indonesia.

Editora: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here