Home ekonomia Rekursus Umanu Menus, Atendementu SERVE La Maximu

Rekursus Umanu Menus, Atendementu SERVE La Maximu

167
0
SHARE
Photo: google.com

By: Fidelio RAMOS

THETIMORNEWS.com, DILI – Lamentasaun atendementu ne’ebe hatudu hosi funsionariu Servico Rejisto Verificação Empresarial (SERVE) ne’ebe la maximu no han tempu barak tamba rekursu umanu ne’ebe sei menus.

Diretor Ezekutivu SERVE, Florencio Sanches esklarese ho numeru rekursu umanu ne’ebe SERVE iha dadauk ne’e susar duni atu atende emprezariu atus resin ne’ebe mai iha loron ida.

“Ita hare iha tempu uluk, ita presiza ba vizita fatin tolu ka ha’at atu rejistu kompana maibe agora fatin rejistu mak iha ne’e ona ho naran SERVE, mesmu agora lamentasaun sei iha tamba depois harii instituisaun ida ne’e harii ho rekursus ne’ebe menus liu, hahu ho ema nain sia deit, ne’e loron ida ita labele atende ema nain atus tolu loron ida” dehan Florencio Sanches ba THETIMORNEWS iha nia kna’ar fatin Matadoru, Dili, Kinta (11/05/2017).

Nia hatutan, sei tenta hodi hadia ho atendementu ne’ebe maka ema empresarial sira lamenta, kuando decreto lei 35/2012, atu halo reforma rejistu empresarial sira nian hahu husi loron 118 ba loron 5.

Nia sublinha, desde Abril 2014 to’o agora, kompana husu loron 5 atu rejistu, maibe sira nia parte rejistu kompana ida hotu loron ida kedas, maibe nia lisesiamentu mak kleur tebes dalaruma han to’o semana tolu entaun ne’e imajem ladiak ba kompana rai liur no rai laran.

“Hau fiar katak ho sextu governu ho tan politik ida atu hamosu tan decreto lei 7/2017 koalia kona ba SERVE, no governu mos aprova tan lei ida iha 14 de Marsu koalia kona ba lei rejistu komersial, ida ne’e atu troka decreto lei 7/2016 nian ho ida ne’e ba oin atendementu sei diak iha futuru,” hatete Sanches.

Tamba ne’e, hodi hadia atendementu ba servisu nian,  SERVE hanoin ona atu loke tan liras ba Munisipiu tolu mak Baucau, Maliana no Oecusse.

“Ha’u halo viajem ba munisipiu,  Oekuse dala rua, Baucau dala rua   no Maliana dala ida, entaun hahu husi Janeiru tinan oin SERVE sei loke tan nia sanak ba munisipiu tolu refere nune’e atu hamenus kustu ne’ebe ita nia empresarial sira hasai husi sira nia bolsu rasik atu bele risku ba kompana no governo nia politik ida klaru tebes atu fasilita tebes setor privado sira,” dehan Sanches.

Direitor ezekutivu SERVE ne’e mos informa katak iha Jullu tinan ne’e, nia parte sei aprezenta proposta  osamentu hodi hola fasilidade hanesan komputador no harii edifisiu nune’e bele  servi diak liu tan empresarial sira.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here