Home nasional Atualizasaun Kartaun Eleitoral iha Dili Lao Normal

Atualizasaun Kartaun Eleitoral iha Dili Lao Normal

153
0
SHARE
Baliho avizu ne'ebe STAE fo sai ba orariu atualizasaun kartaun eleitoral hahu 8 Abril to'o 26 Maiu 2017. Photo: TTN/Hortencio Sanches

By: Hortencio SANCHES

THETIMORNEWS.com, DILI – Atendementu atualizasaun ne’ebe Sekretariadu Teknika Administrasaun Eleitoral (STAE) loke desde 8 Junu 2017, dadauk ne’e lao normal, inklui iha Autoridade Munisipiu Dili.

Ekipa tekniku STAE atende hela eleitor ne’ebe atualiza nia kartaun eleitoral iha Postu Administrativu Nain-feto, Autoridade Munisipiu Dili. Photo: TTN/Hortencio Sanches
Xefe Operador sistema Aktualizasaun Eleitoral Postu administrativu Nain Feto Leonia da Costa Maher. Photo: TTN/Hortencio Sanches

Xefe Operador sistema Aktualizasaun Eleitoral  Postu administrativu Nain Feto Leonia da Costa Maher  hatete, atualizasaun kartaun eleitoral ne’ebe sira atende maioria hosi transfere suku no estudante sira ne’ebe estudu iha Kapital Dili.

“Loron ia ami bele atende 90 resin, aserta diak 102 ba leten, maibe ami sempre atende sira ho diak,” dehan Leonia ba THETIMORNEWS  iha edifisiu Postu Administrativo Nain Feto,Bairo dos Grillos, Dili, Sexta (12/05/2017).

Nia hatutan, dalaruma iha atendimentu sira iha difikuldade uitoan husi elitores balun ne’ebe mak balun lalori dokumentus kompletu no balun laiaha deklarasaun husi aldeia no suku ne’ebe mak uluk sira hela ba.

Elitores ho Naran Ermelinda da Conseção suku Lahane Oriental uluk hela iha Aldeia Bekoi muda fali ba Aldeia Deposte Pena hatete, sente kontente tebes ho atendimentu membru STAE sira nian.

“Hau durante ne’e hela iha aldeia Bekoi Suku Lahane maibe agora muda fali mai aldeia deposte Pena suku Lahane Oriental, hau nia kartaun tuan uluk ne’e lakon tia maibe agora mai hasai foun fali, hau sente kontenete tebes ho atendimentu STAE sira nian tanba la halo ami hein kleur,” dehan Ermelinda.

Nune’e mos Xefe operador Sistema Atualizasaun baze de dadus Eleitoral Postu Administrativo D. Alexo Andre informa hahu husi 8 Junu to agora sira seidauk hatene los elitores nainhira mak halo aktualiza ona sira nia Kartaun.

“Husi Postu D. Alexo nian hau rasik ami hahu ona halo atualizasaun baze de dadus husi hahu to agora ami seidauk hatene los ema nainhira mak mai maibe ami loroloron simu ema besik 200 mak mai halo sira nia kartaun minimu liu 170 mai kraik,” dehan Andre Gonçalves, Kinta (11/05/2017), iha Edifisiu Postu Administrativu Dom ALeixo, Fatuhada, Dili.

Nia hatutan, elitores hirak ne’ebe halo aktualizasaun kartaun mai husi Povu baibain, Estudante no Funsionariu Publiku.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here