Home internasional STAE Loke Sentru Votasaun iha Inglatera

STAE Loke Sentru Votasaun iha Inglatera

3114
0
SHARE
Eis Prezidenti RepublikaTimro-Letse, Jose Ramos Horta wainhira partisipa eleisaun prezidensial 20 Marsu 2017 iha Sentru Votasaun Metiaut. Photo: TTN/Alarico Pereira

By: Fidelio RAMOS

THETIMORNEWS.com, DILI – Governu Timor-Leste liu hosi Sekretariadu Tekniku Administrasaun Eleitoral (STAE) iha Eleisaun Parlamentar (ElPar) 22 Jullu, sei loke sentru votasaun foun iha Inglatera.

Eleitor jovem ne’e hatudu nia kartaun eleitoral wainhira partisipa iha Eleisaun Prezidensial 20 Marsu liu ba iha Sentru Votasaun Villa verde, Dili. Photo: TTN/Alarico Pereira

Alende Ingatera, sentru votasaun hanesan mos STAE sei loke iha Irlandia no Koreia Sul. Sentru Votasaun iha rai liur ne’e STAE loke bazeia ba dezisaun governu nian ne’ebe konsidera mos Timoroan sira ne’ebe servisu iha nasaun refere.

Diretor Jeral STAE, Acilino Manuel Branco esplika, iha Eleisaun Prezidensial 20 Marsu, STAE loke deit sentru votasaun iha nasaun rua, Australia no Portugal, ne’ebe iha Australia sentru votasaun loke iha sidade rua Sidney no Darwin. Maibe iha ElPar, iha Australia, STAE sei loke tan sentru votasaun ida iha sidade Melbourne.

Ekipa tekniku STAE sira wainhira haruka material vota nian ba rai liur hanesan Portal no Australia iha Eleisaun Prezidensial 20 Marsu liu ba. Photo: TTN/Alarico Pereira

Nune’e mos iha Portugal sei kontinua halo deit iha Lisboa. Iha Inglatera, STAE sei loke sentru votasaun iha Londres no Irandia.

“Oras ne’e dadaun parte MNEC  ho  STAE  semana ida ne’e nia laran sei halo resensaiamentu ba komunidade sira ne’ebe servisu no hela iha rai liur atu nune’e sira mos ezerse sira nia direitu iha votus,” nia hateten.

Iha Eleisaun Prezidensial nian, total votante ne’ebe STAE rejista mak 743.150. Sira ne’ebe partisipa iha votasaun ou eleitorne’ebe ba vota hamutuk 528.813.

Iha ElPar tinan ne’e hamutuk partidu politiku 31 mak rejistu hodi kompete. Iha ElPar 2012, hamutuk partidu no koligasaun 21 mak kompete. Hosi numeru ne’e partidu 4 deit mak hetan asentu iha Parlamentu Nasional. Partidu hat ne’e mak Partidu Congresso Nacional Recontrução de Timor-Leste (CNRT)  ho kadeira 30, FRETILIN (Frente Revlucionario Timor-Leste Independente) ho kadeira 25, Partido Democratico (PD) ho kadeira 8 no Frente-Mudansa hamutuk kadeira 2.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here