Home nasional Roberto: Media Parseiru Importante Governu

Roberto: Media Parseiru Importante Governu

159
0
SHARE
Vise Ministru Negosiu Estranjeiru no Koperasaun, Roberto Soares koalia hela iha konferensia internasional ne'ebe realiza hosi Konsellu Imprensa Timor-Leste iha Salaun Delta Nova, Dili, Kuarta (10/05/2017) Photo: TTN/Xisto Almeida

By : Hortencio SANCHES

THETIMORNEWS.com, (DILI) – Servisu lubuk ida ne’ebe governu halo hodi adere ba ASEAN (Association South East Asian Nations) la ses hosi papel media ne’ebe nudar parseiru importante governu nian.

Vise Ministru Negosiu Estranjeiru no Koperasaun, Roberto Soares. Photo: TTN/Xisto Almeida

Tamba konsidera nudar parseiru importante govenru nian, Vise Ministru Negosiu Estranjeiru no Koperasaun, Roberto Soares husu ba media hotu atu servisu hamutuk ho governu, nune’e bele alkansa Timor-Leste nia objektivu atu sai membru ASEAN nian.

 “Ita hotu hatene katak estadu Timor – Leste, konese tebtebes importansia husi papel media sai nudar parseiru  ida ba estadu iha prosesu konstrusaun nasaun nian,” dehan Roberto Soares bainhira hato’o nia aprezentasaun hanesan Orador iha konferensia Internasional Konsellu Imprensa iha Salaun Delta Nova Dili, Kuarta (10/05/2017).

Governate ne’e  suzere ba media sira hotu atu define adesaun ba ASEAN sai nudar tema sentral iha kualker reportazen ka informasaun ne’ebe mak publika hodi hamosu kobertura ida ne’ebe mak regular.

Nia fiar ho servisu media nian metin ho governu sei fo kontribui mos Timor – Leste adere lalais ba ASEAN liu husi debate publiku sira  no informasaun sira ne’ebe mak midia sira fo sai.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here