Home nasional PR Taur: Jornalista iha Liberdade, Maibe Tenke Respeita Lei

PR Taur: Jornalista iha Liberdade, Maibe Tenke Respeita Lei

196
0
SHARE
Orador internasional hamutuk ho membru KI Timor-Leste ho orador internasional sira hasai foto hamutuk ho Prezidenti Republika Taur Matan Ruak no SEKOMS, Nelio Isaac ih aloron ikus Konferensia Internasional ne'ebe realiza hosi Konsellu Imprensa Timor-Leste, Kuarta (10/05/20170, iha Salaun delta Nova Dili. Photo: TTN/Hortencio Sanches

By: Hortencio SANCHES

THETIMORNEWS.com, DILI – Prezidente da Republika Taur Matan Ruak afirma Jornalista sira iha liberdade ho transforma informasaun hodi kontribui ba dezenvolvimentu, maibe tenke respeita mos Lei ne’ebe mak estabelese iha nasaun.

Jornalista sira intervista hela SEKOMS, Nelio Isaac iha atividade konferensia internasional ba promosaun liberdade imprensa no liberdade espresaun ne’ebe Konsellu Imprensa organiza iha Salaun Delta Nova-Dili, Tersa (09/05/2017). Photo: TTN/Hortencio Sanches

“Exersiziu ho liberdade maibe tenke ho mos responsabilidade hodi kumpri lei, Jornalista no media sira de’it mak sai responsabilidade ba sira nia servisu  rasik ida ne’e lori  hau ba iha konsiderasaun ikus kona ba knar media nian iha ita nia  sosiedade,” dehan PR Taur Matan Ruak iha nia deskursu bainhira taka konferensia Internasional  Konsellu Imprensa iha Salaun Delta Nova, Kuarta (10/05/2017).

Xefe Estadu hatutan Komunikasaun Sosial tama iha pozisaun estrateziku ida atu bele responde ba nesesidade atu hetan informasaun ba sidadaun sira ho informasaun ne’ebe reflete konaba vida nasaun nian.

Jornalista TTN, Hortencio Sanches intervista hela jornalista RTTL, Nuno Saldanha kona ba nia observasaun ba lalaok jurnalismu iha Timor-Leste. Photo: FB Cailaq Mane Lito

“Iha orgaun sira estadu nian tenke konta mos nia atividade no nia  servisu liu husi informasaun sira ne’ebe mak media sira publika, maibe ne’e hanesan responsabilidade ida ba jornalista sira hodi fo kontribuisaun ba dezenvolvimentu nasaun nian,” dehan PR Taur.

Nia husu mos ba Konsellu Imprensa Timor – Leste nian atu bele ejiji ba media sira atu bele hadia kondisaun Jornalista sira nian atu bele halo aktividade diak liu tan iha futuru oin mai.

“Hadia kondisaun Jornalista sira nian ho rigor  atu nune’e bele sai independente ba knar ne’ebe mak sira halao susesu ba imi hotu jornalista Timoroan sira nomos, susesu  ba Konsellu Imprensa halo didiak imi nia servisu hodi hasoru programa barak ne’ebe mak tuir mai,”  dehan ema numeru ida iha nasaun ne’e.

Nia hatutan, dalabarak iha nasaun balu ema bolu jornalista kontra poder, maibe kontra atu fo informasaun ba publiku ho lolos no realistiku.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here