Home nasional PM Rui: Jornalista Timoroan Tenki Kualidade

PM Rui: Jornalista Timoroan Tenki Kualidade

180
0
SHARE
PM Rui Maria de Araujo hasai foto hamutuk ho orador internasional sira ne'ebe mai hosi nasaun sudeste aziatiku no pasifiku hodi koalia iha konferensia internasional ne'ebe organiza hosi Konsellu Imprensa Timor-Leste durante loron rua (9-10 Maiu 2017), iha Salaun Delta Nova, Dili. Photo: TTN/Hortencio Sanches

By: Hortencio SANCHES

THETIMOR-NEWS.com, (DILI) – “Jornalista Timor(oan) hotu tenke iha kualidade no profisionais atu bele ajuda dezenvolvimentu nasaun Timor – Leste ba oin ho diak liu husi informasaun.”

Lia fuan ne’e Primeiru Ministru Rui Maria de Araujo hato’o wainhira halo deskursu iha konferensia internasional ne’ebe realzia hosi Konsellu Imprensa Timor-Leste ho tema “Promove Liberdade Imprensa no Liberdade Expresaun iha Sudestiku Azia no Pasifiku” loron daruak nian, Kuarta (10/05/2017), iha Salaun Delta Nova, Dili.

Xefi governu ne’e mos fo parabens ba Konsellu Imprensa (KI) no Media hotu iha Timor – Leste tan durante  ne’e halo servisu makas hodi fo kontribui ba luta libertasaun nasional no dezenvolvimentu.

“Durante ne’e jornalista no media sira servisu makas tebes hodi fo sai informasaun ba komunidade kona ba dezenvolvimentu ne’ebe mak agora daudaun lao hela iha nasaun ida ne’e,” dehan PM Rui Araujo.

Nia hatutan, “Ita hotu tenke sente orgullu ba buat hotu ne’ebe ita halo ona durante tinan 15  inklui Liberdade Imprensa maibe ita presiza dezafia nafatin ita nia an atu halo buat ne’ebe diak hodi priense independente iha nasaun ida ne’e”.

Hosi nia persfektiva, hare’e katak papel Jornalista nian iha Timor – Leste livre ba pas, estabilidade no  demokrasia hodi luta ba liberdade Imprensa.

“Iha Timor – Leste ita hatene katak papel Jornalismu nian  livre teb-tebes, ho kontribuisaun Media sira nian mos mak ohin loron konsege ajuda duni liberta ita nia Patria iha tempu invazaun nian,” nia hateten.

Hola prezensa mos iha konferensia internasional ba loron daruak ne’e Vise Ministru Negosiu Estranjeiru no Koperasaun, Roberto Sarmento de Oliveira Soares, Sekretariu Estadu Komunikasaun Sosial (SEKOMS) no Prezidente Konsellu Imprensa hosi nasaun balun iha Sudeste aziatiku no Pasifiku ne’ebe sai mos orador ba loron ohin (Kuarta, 10/05/2017).

Orador Internasional sira ne’e mak Ahmad Djauar Tasan nudar Adjuntu Chairman Konsellu Indonesia, Eko Maryadi husi SEAPA (South East Asian Press Alliance), David Weisbort (Australia), Jhon Wiliam (Nova Zelandia), Maung Maung Sang (Myanmar), Kulachada Chapipat no ChalermCahi Yodmali (Thailandia), Alexander Rheeney (Papua Nova Guine), Jesulai Patrik Novais Lopes no Jose Manuel Noironha (São Tome e Principe).

Editor: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here