Home nasional 20 Junu Kampana ElPar Hahu

20 Junu Kampana ElPar Hahu

319
0
SHARE
Militante FRETILIN wainhira partisipa iha kampana eleisaun parlamentar iha 2012. Photo: Martine Peret

By: Fidelio RAMOS

THETIMOR-NEWS.com DILI – Hafoin Prezidenti Republika Taur Matan Ruak anunsia loron Elesain Parlamentar (ElPar) sei realiza iha 22 Jullu 2017, Sekretariadu Teknika Administrasaun Eleitoral (STAE) ajenda ona kampana ElPar sei hahu iha 20 Junu to’o 19 Jullu.

Diretor Jeral STAE, Acilino Miranda Branco rona hela esplikasaun hosi PM Rui Maria de Araujo wainhira vizita edifisiu STAE hodi hare preparasaun STAE iha momentu Eleisaun Presidensial. Photo: Dok STAE

Director Jeral STAE, Acilino Manuel Branco esplika, data ba loron kampana ne’e STAE publika ona iha jornal republika inklui ho data importante seluk ne’ebe parte hosi ativiadde ElPar nian.

“Loron kampana ElPar hahu husi 22 Junu to 19 Jullu,” dehan Acilino Manuel Branco ba THETIMORNEWS iha kna’ar fatin Caicoli, Kuarta (10/05/2017).

Iha Kuarta ohin, tuku 3 lokoraik STAE mos sei halo sosializasaun ba partidu sira ne’ebe kompete iha ElPar  para oinsa atu hili sira nia fiskais.

“Partidu ida tenki prepara nia fiskais minimu 2250 ida hansa ne’e, ne’ebe prepara husi sira nia eleitores sei hala’o sira nia kna’ar hanesan fiskais,” nia informa.

Alcino Reforsa liu tan katak, calendario maka agora dadaun fo sai ona tanba ne’e sira nia parte sei kontinua defini tan atividade ne’ebe atu fo formasaun ba ofisiais, brigada, no oinsa koloka materiais votasaun nian ba iha Munisipiu sira.

Tuir kalendariu ElPar nian ne’ebe publika iha Jornal da República, Tersa (09/05/2017) ho numeru Serie II, No 18 A fahe ba ajenda principal 5 hanesan permeiru, markasaun eleisaun no kalendariu ne’ebe iha parte sei hakerek pontu rua ida mak prezidenti republika marka loron eleisaun mak anunsia iha 2 Maiu 2017 depois iha pontu daruak STAE publika iha Jornal República hafoin anunsia markasaun loron ElPar nian.

Iha pontu daruak nian koalia kona ba koligasaun partidu politiku no lista kandidatu deputadu/a parlamentu sira.

Ba datoluk nian hakerek STAE sei divulga numeru sentru votasaun no estasaun votos nian.

Ba dahat, kona ba loron kampana ElPar ne’ebe tau ona 20 Junu to’o 19 Jullu ba partidu politiku sira uza hodi hato’o sira nia programa ba eleitor sira.

Dalima koalia kona ba rezultadu apuramentu hahu hosi sentru votasaun, nivel munisipiu to’o nasional. Apuramentu sei hahu kedan hafoin votasaun remata no kontinua loron tolu halo apuramentu iha munisipiu, apuramentu nivel munisipiu sei to’o iha 24 Jullu hafoin lori ba nasional hodi halo tan apuramentu nasional to’o 27 Jullu. Depois ne’e sei entrega ba Tribunal rekursu hahu 1-3 Agostu hodi legaliza nia rezultadu. Ikus iha 7 Agostu, rezultadu final sei publika iha Jornal da Repúblika.

Editor: João DA COSTA I COPYRIGHT@2017

LEAVE A REPLY

Please enter your comment!
Please enter your name here