Home nasional TMR Sei Sai Prezidenti PLP iha 18 Maiu

TMR Sei Sai Prezidenti PLP iha 18 Maiu

1318
0
SHARE
Taur Matan Ruak, atual Prezidenti Republika Timor-Leste ne'ebe Partidu Libertasaun Popular (PLP) sei hili nia nudar prezidenti partidu. Photo: Google.com

By: João DA COSTA

THETIMORNEWS. Com, DILI — Komisaun organizadora (KO) Kongressu Nasional Partidu Libertasaun Popular (PLP) “deklara”, sei hili Prezidenti Republika, Taur Matan (TMR) ba sira nia prezidenti partidu iha 18 Maiu hodi lidera partidu ne’e kompete iha eleisaun parlamentar.

Taur Matan Ruak, atual Prezidenti Republika Timor-Leste momentu hato’o nia statementu vitoria iha eleisaun prezidensial tinan 2012 wainhira eleitu ba prezidenti republika. Iha momentu ne’ebe PR Taur Matan Ruak hetan apoiu hosi Partidu CNRT ne’ebe lidera hosi Kay Rala Xanana Gusmao. Photo: Google.com

Lideransa Komisaun Orientador Kongressu Nasional PLP, Francisco Vasconcelhos   dehan, Presidenti Republika (PR) Taur Matan Ruak sei partisipa iha kongresu ne’e bainhira remata oras servisu nian mak tuku 5 lokraik.

“Ita nia Prezidenti Republika sei partisipa kongressu iha tuku lima lokraik, tanba ita sei hili nia ba prezidenti PLP,” dehan Francisco iha konferensia imprensa, Sede Nasional PLP Metiaut Dili, Tersa (09/05/2017).

Iha kongressu nasional ne’e, Primeiru Vise Koordenador KO, Natalino J. Gusmão Soares informa, kongresu nasional ne’e sei partisipa hosi delegadu hamutuk 1.123 hosi munisipu 12 no rejiaun Oecusse. Ne’ebe tuir planu kongressu nasional ne’e sei realiza iha Salaun Delta Nova.

“Ami KO organiza de’it fatin no preparasaun hotu kona ba primeiru kongresu partidu nian tanba ne’e ami sei hala’o kongresu ne’e iha loron 18 Maiu,” dehan Natalino.

Taur Matan Ruak, atual Prezidenti Republika Timor-Leste ho nia espoza, Isabel Ferreira momentu hato’o nia statementu vitoria iha eleisaun prezidensial tinan 2012 wainhira eleitu ba prezidenti republika. Iha momentu ne’ebe PR Taur Matan Ruak hetan apoiu hosi Partidu CNRT ne’ebe lidera hosi Kay Rala Xanana Gusmao. Photo: Google.com

Nia hatutan, objetivu kongresu ne’e mak debate no aprova estatuta, programa ho estratejia ou manifesto PLP nian, hili estrutura nasional ba periodu 2017 to’o 2021, hanesan diretiva ezekutivu nasional, komisaun politika nasional, komisaun nasional ba etika no juridisaun, ho komisaun nasional ba fiskalizasaun ekonomia no finansas, ikus liu produs rejulusaun kona ba politika nasional ne’ebe estratejiku.

Tanba ne’e nia apela ba militantes no simpatizantes PLP nian karik iha ema ruma halibur rekursu ruma hodi PLP nia naran fo hatene ba KO atu toma atensaun, militantes no simpatizantes hatudu nafatin boa rezilensia matan moris neon nain, servisu hamutuk tanba kongresu ne’e nudar eventu nasional ne’ebé presija hotu-hotu nia kooperasaun.

Ekipa KO mak hanesan Koordenador Abel da Costa Pires, Vise primeiru, Natalino de J. Gusmão Soares, Vise segundu Demetro Carvailho, Vise terseiru, Franquelino da C. Freitas, Vise quatru Maria Angelina L. Sarmento.

Editor: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here