Home nasional KI Realiza Konferensia Internasional Promove Liberdade Imprensa

KI Realiza Konferensia Internasional Promove Liberdade Imprensa

156
0
SHARE
Konsellu Imprensa (KI) Timor-Leste ba dahuluk organiza konferensia internasional ho tema Promove Liberdade Imprensa no Liberdade Expresaun iha Sudeste Aziatiku no Pasifiku, Tersa (09/05/2017), iha Salaun Delta Nova Dili. Photo: TTN: Hortencio Sanches

By: Hortencio SANCHES

THETIMORNEWS.com, DILI – Konsellu Imprensa de Timor Leste hanesan orgaun reguladora ba servisu komunikasaun social, Tersa (09/05/2017), realiza konferensia internasional ne’ebe sei halao durante loron rua (to’o 10 Maiu) ho tema Promove Liberdade Imprensa no Liberdade Expresaun iha Sudeste Aziatiku no Pasifiku durante loron rua iha Salaun Delta Nova, Dili.

SEKOMS, Nelio Isaac wainhira sai orador iha loron dahuluk konferensia internasional ne’ebe oragniza hosi Konsellu Imprensa Timor-Leste, Tersa (09/05/2017), iha Salaun Delta Nova Dili. Photo: TTN/Hortencio Sanches

Konferensia internasional ne’ebe realiza ho objektivu selebra tinan ida ejistensia Konsellu Imprensa Timor-Leste ne’e loke deretamente hosi Sekretariu Estadu Komunikasaun Sosial (SEKOMS), Nelio Isaac Sarmento.

Iha nia deskursu abertura SEKOMS hateten, sidadaun hot-hotu iha Timor-Leste iha liberdade atu koalia no expresa nia hanoin liu hosi orgaun komunikasaun social ne’ebe ejiste iha Timor-Leste, maibe tenki ho etika no responsabilidade.

“Hau empresta amu Papa Fransisco nia lia fuan hatete nune’e, liberdade ne’ebe mak ita sarani hetan laos atu ba hatete at ema, signifika katak iha regulasaun sira internasional no nasaun ida-idak nia sempre fo atensaun no respeita ema seluk no halo tuir lei, liberdade maibe tenki ho etika no responsabilidade,” dehan Nelio Isaac.

Iha fatin hanesan Prezidente Konsaeillu Imprensa (KI) Vrigilo Guterres hatete, Liberdade Espresaun mak demokrasia nia hun ho nune’e liberdade ne’e sai esforsu media hotu nian.

“Demokrasia nia hun mak Liberdade Expresaun hau hanoin hanesan ema hotu hatene, Timor – leste estadu de Direitu Demokrasia, ema hotu dada is loroloron ne’e maka Liberdade de Imprensa, Midia Jornalista sira halo sira nia papel atu fo informasaun ba publiku ho Liberdade,” dehan Virigilio Guterres.

Iha Sikun seluk, Prezidente Assosiasaun Jornalista Timor – Leste (AJTL) David Hugo da Silva hatete, Konferensia ne’ebe mak KI realiza hanesan faze ida ne’ebe mak importante tebes atu loke dalan ba midia sira bele hatene koalia konaba Liberdade Imprensa.

“Esforsu ne’ebe mak KI halo ne’e dalan diak ida para bele loke Jornalista, Midia no instituisaun sira hotu oinsa koalia kona ba liberdade imprensa no liberdade espresaun ne’e oinsa,” dehan David ba TTN.

Nia hatutan, konferensia ne’e diak tanba partisipante laos Timor de’it maibe husi mos nasaun seluk balun mai fo sira nia esperiensia atu nune’e Timor mos bele aprende kona ba Konsellu Imprensa sira nian diak liu tan.

Sai orador iha loron dahuluk mak SEKOMS Nelio Isaac Sarmento, Adjuntu Prokuradoria Jeral da Republika, Dra. Zelia Trindande, Komandante Jeral PNTL, Komisariu Julio Hornay no Prezidenti Autoridade Nasional Komunikasaun, Antonio Correia.

Editor: João DA COSTA I COPYRIGHT@2017

LEAVE A REPLY

Please enter your comment!
Please enter your name here