Home nasional Ditadura Sei Buras Bainhira La Iha Liberdade Imprensa

Ditadura Sei Buras Bainhira La Iha Liberdade Imprensa

198
0
SHARE
Adjunta PGR, Dra. Zelia Trindade (no 2 hosi liman los) wainhira sai orador iha loron dahuluk konferensia internasional ne'ebe organiza hosi Konsellu Imprensa Timor-Leste, Tersa (09/05/2017), iha Salaun Delta Nova Dili. Photo: TTN/Hortencio Sanches

By: Hortencio SANCHES

THETIMORNEWS.com, DILI – Adjunta Prokuradoria Jeral da Republika (PJR), Dra. Zelia Trindade hatete, ditadura sei buras bainhira iha nasaun ne’e la iha liberdade imprensa no Demokrasia sei namlele.

Jornalista sira intervista hela SEKOMS, Nelio Isaac iha atividade konferensia internasional ba promosaun liberdade imprensa no liberdade espresaun ne’ebe Konsellu Imprensa organiza iha Salaun Delta Nova-Dili, Tersa (09/05/2017). Photo: TTN/Hortencio Sanches

Dra. Zelia Trindade afirma kuandu iha lian Liberdade Imprensa nian makas liu mak Ditadura sei la buras, maibe Liberdade Imprensa menus mak Ditadura sei sa’e makas no demokrasia namlele.

“Demokrasia se la bertahan wainhira laiha liberdade Imprensa, Ditadura mos sei la bertahan, kuandu iha liberdade Imprensa. Jornalista sira tenke defende nafatin Liberdade Imprensa hodi fo informasaun ho lolos ba publiku atu nune’e bele satan Ditadura labele buras iha nasaun demokratiku, ami apoiu tebes ita bo’ot sira nia servisu hodi fahe informasaun ne’ebe mak lolos labele inventa,” dehan Dra. Zelia Trindade bainhira sai orador ba Konferensia Internasional ne’ebe organiza husi Konsellu Imprensa Timor – Leste, iha salaun Delta Nova, Dili, Tersa (09/05/2017).

Nia hatutan, nudar Adjuntu Prokuradoria Jeral da Republika hakarak hato’o ba Prezidente Konsellu Imprensa Timor – Leste (KI) membru sira katak PJR desposta atu servisu hamutuk atu hare ba Liberdade Imprensa iha Timor – Leste.

“Ami disposta hakarak servisu hamutuk no fo apoiu ba malu ho KI atu nune’e bele hare ba Liberdade Imprensa iha nasaun ne’e,” dehan Adjunta PJR ne’e.

Maibe nia dehan, keta haluha hakarak servisu ba Liberdade Imprensa tenke hatene mos ema seluk nia diretu fundamental.

Editor: João DA COSTA I COPYRIGHT@2017

LEAVE A REPLY

Please enter your comment!
Please enter your name here