Home desportu Sirkuit Loes ho Kualidade Profesional

Sirkuit Loes ho Kualidade Profesional

230
0
SHARE
Kualidade ne'ebe FMCTL halo ba Sirkuit Loes lori duni susesu ba kriasaun kampionatu nasional motocross seri-2 ne'ebe durante nia kompetisaun laiha assidenti mak akontese. Photo: TTN/Hortencio Sanches

By: Fidelio Sanches

THETIMORNEWS.com LOES – Prezidenti  Federasaun Motor Cyclismo Timor-Leste (FMCTL), Longuinhos Monteiro hateten Sirkuit Loes iha Munisipiu Liquisa ne’ebe uza ba kampionatu nasional motocross nian ho kualidade professional no tuir standar.

Prezidenti FMCTL, Longuinhos Monteiro hato’o nia agradese ba Sebastiao Silva ba susesu halo obra Sirkuit Loes iha Munisipiu Liquisa. Photo: TTN/Hortencio Sanches

Tamba ne’e, hare’e ba kondisaun Sirkuit Loes ne’e la ses hosi servisu pessoal Sebatião Silva, ne’ebe durante ne’e mos fo nia an ba dezemvolvimentu modalidade motocross ne’e. Ho susesu kampionatu nasional motocross seri-2 ne’ebe halao iha Domingu (07/05/2017), lori FMCTL nia naran hato’o agradesementu ba servisu Sebastião Silva

“Hau lori federasaun nia naran hato agradesementu ba maun Sebastião Silva ne’ebe ho nia familia sira halo kampu ida ke mos  tebes,” hatete Longinhos iha intervesaun iha Sirkuit Loes, Domingo (07/05/2017).

Sirkuit Loes ne’ebe nia konstrusaun halao hosi Sebastiao Silva lori duni susesu ba kampionatu nasional motocross seri-2 ne’ebe FMCTL halo iha Domingu (07/05/2017). Photo: TTN/Hortencio Sanches

Sebastião Silva ba jornalista sira hateten, objektivu prinsipal halo sirkuit ne’e atu prepara tinan barak ba crosser sira iha  futuru nian.

“Hau uza material hau nian halo kampu ne’e atu prepara atlta sira ba aban bairua nian, para   crosser sira mai halai hodi sira senti kampu ne’e standar internasional no profesional duni, ”   dehan Sebastião.

Iha fatin hanesan Sekretariado Estado Juventude no Desportu (SEJD) Leovijildo  da Costa Hornai ba Jornalista dehan,  senti kontenti los tamba konsege akompanha eventu ne’e to remata.

“Hau hakarak kongratula ba prezidenti eleitu doutor Longhinos ne’ebe sai prezidenti FMC-TL nian i sira mos bolu mos investor lubuk ida iha kampionatu ne’e politika ida kapas,” hatete Leovigildo.

Sussesu ne’ebe hetan iha kampionatu motocross seri-2 ne’e mos la ses ho apoiu hosi sponsor sira hanesan Telekomcel, Sekretariado Estado Juventude no Desportu (SEJD), Ministro Interior (MI), Telemor, Apotek 24, Pertamina Internasional, Shell Lubricants, Bank Mandiri, MBP, Ceslinks, Heineken no DAS.

Editór: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here