Home desportu Crosser 48 Kompete Seri 2 Kampionatu Nasional Motocross

Crosser 48 Kompete Seri 2 Kampionatu Nasional Motocross

127
0
SHARE
Eventu Kampionato Motocross Nasional Seri-2 ne'ebe halao iha Sirkuit Loes, Munisipiu Liquisa hetan partisipasaun hosi crosser nain 48. Photo: TTN/Hortencio Sanches

By: Hortencio Sanches

THETIMORNEWS.com, LOES – Eventu Motocross Kampionatu Nasional Seri ba dala 2 ne’ebe organiza hosi Federasaun Motor Cyclismu Timor-Leste (FMCTL) kontinua halao iha Sirkuit Loes, Munisipiu Liquisa, Domingu (07/05/2017), hetan partisipasaun hosi 48 crosser ne’ebe kompete hahu klase 65 cc to’o 250 cc.

Crosser sira kompete hela iha Eventu Kampionato Motocross Nasional Seri-2 ne’ebe halao iha Sirkuit Loes, Munisipiu Liquisa.. Photo: TTN/Hortencio Sanches

Crosser 48 ne’e kompostu husi crosser individual nain 5 no Team racing 13 mak hanesan Zefra Racing Team, Usaha Muda Racing Team,  Kablaki Team, Marabia Racing Team, Badfod Team,  My Fiend Team, Montana Diak Team, Dewa Tato Racing Team, My Friend/ SRT Team, Hugo Amor Racing Team, Cyrus Motor Team, no Vad Motor Team.

Sponsor ne’ebe fo apoiu ba Motorcross seri II hamutuk (13) Telemor, Telkomcel, Mandiri Bank, Heineken, Dili Auto Service (DAS), Pertamina, Sekretariu Estadu Juventude no Desportu (SEJD), Shell Lubricants, Apotek K 24, MBP, Celslink no Ministeriu Interior.

Komunidade Loes ne’ebe ho antusiasimu assisti Eventu Kampionato Motocross Nasional Seri-2 ne’ebe halao iha Sirkuit Loes, Munisipiu Liquisa. Photo: TTN/Hortencio Sanches

Iha eventu ne’e hetan partisipa husi Ministro Interior nudar Prezidente FMC – TL Longuinhos Monteiro, Ministro Turismo Arte no Kultura Fransisco Kalbuadi Lay, Sekretariu Estadu Juventude no Desportu Leovigildo Hornai, Xefe estadu Maior das Forsas Armadas Maijor General Lere Anan Timur no Komandante Geral PNTL, Komisariu Julio da Costa Hornai.

Maske loron manas maibe komunidade iha Luiquisa liuliu Loes la kole hamrik nakonu nafatin hodi fo suporta ba Crosser hirak ne’ebe mak halai.

Editór: Agida DOS SANTOS I COPYRIGHT@2017

 

LEAVE A REPLY

Please enter your comment!
Please enter your name here