Home nasional Halo Konferensia Nasional, Alkatiri: FRETILIN Tenki Ukun Governu

Halo Konferensia Nasional, Alkatiri: FRETILIN Tenki Ukun Governu

1119
0
SHARE
Mari Alkatiri, Sekretariu Jeral FRETILIN

By: Hortencio Sanches

THETIMORNEWS.com, DILI – Partidu istoriku Frente Revolusionaria do Timor – Leste Independente (FRETILIN) liu hosi nia sekretariu jeral, Mari Alkatiri deklara katak partidu FRETILIN tenki manan maioria iha Eleisaun Parlamentar (ElPar) tinan ne’e hodi ukun governu.

Prezidenti FRETILIN, Francisco Guterres “Lu-Olo”

“FRETILIN tenki hetan vitoria iha eleisaun parlamentar hodi kaer governu,” hateten Mari Alkitiri iha nia deskursu ba Konferensia Nasional FRETILIN ne’ebe halao iha Salaun Delta Nova, Sabadu (06/05/2017).

Konferensia Nasional Partidu FRETILIN ne’e sei lao durante loron rua to’o aban (Domingu, 07/05/2017) ho objektivu prepara partidu ne’e hodi hetan susesu iha ElPar ne’ebe sei halao iha 22 Jullu 2017.

Eis Primeiru Ministru iha I Governu Konstitusional ne’e konfesa, nia laiha ambisaun atu tuur hikas iha kadeira primeiru minsitru nian, no nunka hanoin atu hadau poder hosi Francisco Guterres “Lu-Olo” nudar prezidenti partidu.

“Dalabarak ema hotu hanoin katak hau atu hadau tomak Lu – Olo nia kargu husi FRETILIN, maibe ne’e ‘Biasa tia de’it’. Ema barak koalia ona katak hau mak sei mesak halo kampaina, maibe hau dehan hau sei la mesak maibe hau sei lao hamutuk ho estrutura tomak,” dehan Alkatiri.

Prezidenti Partidu FRETILIN, Lu – Olo iha konferensia nasonal ne’e husu atu kuadrus partidu hamutuk simpatizante no militante bele hametin no hatudu FRETILIN nia vontade nune’e bele hetan vontade no valor ne’ebe mak diak.

“Konferensia ida ne’e halao atu nune’e bele lori ita nia partidu ba hetan vitoria ida ne’ebe mak diak liu tan, ita seidauk manan to’o iha nia rohan, manan ne’ebe mak hau hetan hodi ba tur iha prezidente da repulika durante tinan 5 ne’e sei iha klaran hela, to nia rohan mak FRETILIN tenke manan mairoria iha elisaun Parlamentar hodi lidera Parlamentu no Governu,” dehan Lu – Olo iha nia intervensaun bainhira loke Konferensia Nasional FRETILIN nian ne’e.

Lu – Olo hatutan nia sai prezidente ne’ebe mak diferente no susesu maibe nia apela ba militantes no kuadrus FRETILIN nian atu nune’e bele garante vitoria FRETILIN nian iha ElPar.

Iha konfrensia ne’e, partisipa husi delegadus munisipiu 13, Juventude FRETILIN  no membrus Komite Sentral da FRETILIN (CCF) no kuadrus partidus militantes no simpatizantes partidu nian, iha Serimonia ne’e, loke diretamente husi Prezidente Partido FRETILIN, Fransisco Guterres Lu – Olo.

Editór : João DA COSTA I COPYRIGHT @2017

LEAVE A REPLY

Please enter your comment!
Please enter your name here