Home divertementu Henrique do Rosario Lidera ALMAMOR ba Periodu 2017-2022

Henrique do Rosario Lidera ALMAMOR ba Periodu 2017-2022

421
0
SHARE
Estrutura foun ALMAMOR ba Periodu 2017-2022 halo juramentu ba sira nia kargu hafoin eleitu iha kongressu nasional, Sabadu (06/05/2017), iha CCD Dili. Photo: TTN/Hortencio Sanches

By: Hortencio Sanches

THETIMORNEWS.com, DILI – Henrrique do Rosario iha Kongressu Nasional datooluk Assosiasaun Muzika Nasional de Timor – Leste (ALMAMOR) eleitu ba prezidenti foun organizasaun artista nian ne’e hamutuk ho nia estrutura ba period 2017-2022.

Prezidenti eleitu ALMAMOR, Francisco eric (kaijaku metan) simu bandeira ALMAMOR hosi Nelson Turquel hafoin simu posse ba sira nia estrutura iha kongressu nasional. Photo: TTN/Hortencio Sanches

Henrique do Rosario eleitu ho nia estrutura vise prezidenti mak Jose Manuel ho Ano Academic (vise 2). Sekretariu Jeral mak Jessica Kawegian no vise sekretariu jeral mak Quito Belo.

Pakote Henrique do Rosario eleitu ho votos 150 iha ninian pakote lista 2 halakon pakote lista 1 ne’ebe ho nia kandidatu prezidenti maka Nino Pereira, vise prezidenti Manuel Smith ho Abio Salsinha nudar sekretariu jeral, vise sekretariu jeral mak Enia Matos.

Prosesu eleisaun ba estrutura ALMAMOR ne’e remata iha tuku 1 madrugada, Sabadu (06/05/2017) iha Sentru Konvensaun Dili ou CCD, Caicoli.

Ho estrutura foun ne’e, ba futuru Henrique do Rosario sei hatutan servisu hosi prezidenti sesante, Ego Lemos.

“Ho konfiansa ne’ebe mak imi fo mai ami fiar katak ita hotu sei hamutuk lori ‘ALMAMOR ba oin ho diak liu tan,” dehan Henrique do Rosario iha nia intervensaun hafoin nia pakote eleitu.

ALMAMOR nakloke ba artista hotu sem hare’e hosi kondisaun, hanesan artista ho kondisaun defisiente ne’e mos iha deretu fo nia votos hodi hili estrutura ALMAMOR ne’ebe bele lori organizasaun ne’e ba artista Timoroan hotu. Photo: TTN/Hortencio Sanches

Iha fatin hanesan Sekretariu Estadu Joventude no Desportu, Leovigildo Hornai iha nia intervensaun hodi taka kongressu ne’e hatete hakarak atu servisu ho realistiku no unidade mak mak hotu-hotu ne’ebe involve iha assosiasaun ne’e tenke sai hotu nain.

“Hau hakarak ita boot sira hotu tenke sai membru, membru ne’ebe ativu kriativu atu nue’e bele lori organijasaun ne’e ba oin,” dehan Leovigildo.

Kongressu nasional ALMAMOR hahu iha Kinta (04/05/2017) no loke hosi Ministru Turismu Arte no Kultura, Francisco Kalbuadi Lay.

Editór : João DA COSTA I COPYRIGHT @2017

LEAVE A REPLY

Please enter your comment!
Please enter your name here