Home nasional BNN Kaer Buronan Timor-Leste Alcino Mendes

BNN Kaer Buronan Timor-Leste Alcino Mendes

3397
0
SHARE
Alcino Mendes (klaran), prizineiru Timor-Leste ne'ebe halai sai hosi Prizaun Becora iha Novembru 2013, ne'ebe Autoridade BNN iha NTT kaer ona iha Kupang no dadauk ne'e entreg aona ba PNTL. Photo: Pos Kupang/Sipri Seko

By: João da Costa

THETIMORNEWS.com, DILI— Autoridade Polisia Republika Indonesia (POLRI) liu hosi Badan Narkotika Nasional (BNN) kaptura buronan Polisia Nasional Timor-Leste (PNTL), Alcino Mendes arguido kazu omisidu Garden Beach ne’ebe halai sai hosi prizaun Becora iha 2 Novembru 2013.

Alcino Mendes POLRI kaer iha teritori Kupaun, Nusa Tengara Timur iha Kuarta (03/05/2017) kalan tuku 20:00 oras NTT.

Informasaun ne’ebe redasaun TTN simu hosi fontes konfirmadu, hafoin kapturasaun POLRI NTT kontaktu kedan kuartel jeral PNTL hodi halo prosesu extradisaun. Dadauk ne’e, Alcino Mendes iha ona PNTL nia liman no iha teritoriu Timor-Leste.

“Los duni Alcino ka’er ona no ita nia Segundu Komandante Jeral mak ba ona hodi simu nia atu lori fila mai ita nia rain,” dehan fontes ne’e.

Tuir publikasaun media Indonesia nian publika katak, Alcino ho buronan seluk nain 2 ne’ebe nudar autor droga dadauk ne’e detekta ona hosi BNN katak sira nia prezensa iha Kupaun, NTT.

Alcino rasik, intelejen sira hahu tui rnia fulan 3 kotuk liu ba, wainhira atu halo kapturasaun sempre sorte bele halai hosi kapturasaun. Durante subar iha Kupang, Alcino uza kartaun identidade KTP no uza ema seluk nia naran.

“Deskonfia arguido uza naran seluk iha nia kartaun identidade,” dehan Xefi Departementu Kombate Droga NTT nian, Komisariu Polisia Dony Bramanto ba media sira.

Alende Alcino Mendes, buronan seluk ne’ebe PNTL sei buka ida mak artista Timoroan Juga Gama, arguido kazu droga.

Editór: João DA COSTA I COPYRIGHT @2017

LEAVE A REPLY

Please enter your comment!
Please enter your name here