Home nasional Alkatiri “Lakohi” Parpol Seluk Manan Maioria

Alkatiri “Lakohi” Parpol Seluk Manan Maioria

1375
0
SHARE
Sekretariu Jeral FRETILIN, Mari Alkatiri

By: Hortencio Sanches

THETIMORNEWS.com, DILI –  Partidu politiku (parpol) sira ne’ebe ejisti iha Timor-Leste dadauk ne’e hahu prepara an hodi kompete iha Eleisaun Parlamentar (ElPar), inklui Partidu Frente Revolusionaria do Timor – Leste Independente (FRETILIN), ne’ebe nia Sekretariu Jeral, Mari Alkatiri “lakohi” parpol seluk manan maioria.

Militante FRETILIN wainhira partisipa iha kampana eleisaun parlamentar iha 2012. Photo: Martine Peret

Alkatiri lakohi parpol seluk manan maioria ho razaun atu lakohi husik sira nia prezidenti partidu, Francisco Guterres “Lu-Olo” ne’ebe eleitu ba Prezidenti Republika 2017-2022 tuur mesak iha palasiu presidensial.

“FRETILIN lakoi Lu – Olo atu ba tur mesak iha Prezidente da Republika, FRETILIN sei servisu makas hodi manan maioria iha Eleisaun Parlamentar, iha  eleisaun agora ita lakoi partidu seluk manan maioria iha Parlamentu no Governu,” dehan Alkatiri iha nia deskursu iha konferensia nasional Partidu FRETILIN ne’ebe halao iha Salaun Delta Nova, Sabadu (06/05/2017).

Sekretariu Jeral FRETILIN, Mari Alkatiri

Tamba ne’e, Alkatiri Sublina, atu alkansa objektivu manan maioria ne’e, Alkatiri bolu membru FRETILIN sira hotu atu servisu maas hodi lori FRETILIN ba vitoria.

Liu hosi konferensia nasional ne’ebe partidu ne’e halo, sekretariu jeral partidu ne’e mos hateten katak FRETILIN mak hanorin demokrasia no liberdade iha  Timor-Leste.

“Demorasia no liberdade iha rai ne’e nia hun mai husi FRETILIN, ne’e duni partidu ne’e povu nian. FRETILIN  nunka atu nega nia an,  maibe FRETILIN nia luta ne’e  bo’ot  hodi lori  demokrasia ba rai ida ne’e,  FRETILIN la hakiduk buka dalan nafatin atu hamrik iha  povu  nia oin  atu liberta povu sai husi kiak no mukit, FRETILIN luta ba nafatin ba povu hodi hatudu FRETILIN mak povu, no povu mak FRETILIN,” dehan Alkatiri.

 Editór: João DA COSTA I COPYRIGHT @2017

 

LEAVE A REPLY

Please enter your comment!
Please enter your name here