Home divertementu MTAK-SEJD Promete Apoiu ALMAMOR

MTAK-SEJD Promete Apoiu ALMAMOR

73
0
SHARE
Artista Timoroan sira partisipa iha kongressu datoluk ALMAMOR nian, Kinta (04/05/2017), iha CCD Dili. Photo: TTN/Hortencio Sanches

By: Hortencio Sanches

THETIMORNEWS.com, DILI – Ministeriu Turismu Arte no Kultura (MTAK) ho Sekretariu Estadu Juventude Desportu (SEJD) promete sei fó apoia ba Assosiasaun Nasional Muzika de Timor-Leste (ALMAMOR).

Artista Timoroan sira ne’ebe halibur iha komisuan organizadora ba kongressu nasional datoluk ALMAMOR nian. Photo: TTN/Hortencio Sanches

Ministru Turismu Fransisco Kalbuadi Lay afirma, MTAK ho SEJD Prontu nafatin apoiu ba Organizasaun ALMAMOR ne’ebe sai mahon ba artista Timoroan hotu.

“Kuandu koalia  ALMAMOR hau hatene  nia istoria husi kraik to’o leten, ne’e mos hotu kedas tanba ne’e ami prontu atu apoia,” dehan Kalbuadi bainhira loke abertura ba III Kongresu ALMAMOR nian iha CCD Dili, Kinta (04/05/2017).

 Nia fo hanoin ba estrutura foun sira ne’ebe mak atu kandidatu hodi lidera organizasaun ne’e laos atu ba tuir de’it, maibe tenke servisu makas hodi lori ALMAMOR diak liu ba oin.

Iha fatin hanesan, Sekretariu Estadu Leovigildo Hornai dehan, nia fiar kongresu ALMAMOR nian ne’ebe halao durante loron rua (2) nia laran, diak demokratiku no transparansia.

Artista senior Timoroan sira ne’ebe halibur iha komisuan organizadora ba kongressu nasional datoluk ALMAMOR nian. Photo: TTN/Hortencio Sanches

Leovigildo Afirma, halao kongresu tenke iha politika ne’ebe mak responde duni ba nesisidade muzika nian iha Timor – Leste.

“Muzika atu naran bo’ot iha rai laran no rai liur artista sira tenke iha unidade ba malu entre Artista Senior no Junior,” dehan Leovigildo.

Tuir nia, muzika atu lao ho diak mai rasik husi autor, kompozitor, kantor no mai rasik husi direzente ne’ebe mak partense ba muzika refere.

Iha abertura ba III Kongresu ALMAMOR hetan partisipasaun husi Ministeriu Turismu Arte no Kultura Francisco Kalbuadi Lay, Sekretariu Estadu Juventude no Desportu Leovigildo Hornai, Vise Ministro Komersiu Industria Nino Pereira, Parte Igreja, Ambiente no Artista balun husi Munispiu sira.

III Kongresu ALMAMOR nian durante loron rua (2) hahu husi 4 to’o 5 Maiu, orsamentu ne’ee mak uza hodi realiza kongresu ne’e ho montante orsamentu US$ 50 mil, tulun husi parte Governu no Kompania lokal no Internasional sira iha Timor – Leste.

Editór : João DA COSTA I COPYRIGHT @ 2017

LEAVE A REPLY

Please enter your comment!
Please enter your name here