Home dezenvolvimentu Media Matan no Tilun Dezemvolvimentu

Media Matan no Tilun Dezemvolvimentu

77
0
SHARE
Jornalista 225 Fiksu ona halo kobertura Elpar.

By: Fidelio Ramos

THETIMORNEWS.com, DILI –   Sekretariu Estadu Formasaun Profisional Empregu (SEFOPE) Ilidio da Costa Ximenes rekuinese katak liu hosi Jornalista mak ema bele kuinese dezenvolvimentu ne’ebé mak lao iha nasaun hotu nia laran.

“Hau agradese ba loron Jornalista, tan media maka sai matan no tilun ba servisu dezenvolvimentu saida deit, se kuando laiha Jornalista ho media ema lahatene o atu halo saida maka diak no at tan ne’e media nia papel ne’e importante tebes,” dehan Ilidio liu hosi nia  Intervensaun  hafoin partisipa loron mundial Liberdade Imprensa iha Jardim 5 de Maio kuarta (03/05/2017).

Nia dehan, loron mundial ne’e importante tebes  tan loron refere laos liu husi mehi  atu mosu deit mai, maibe liu husi istoria ida ke naruk no oinsa maka atu hamosu loron ne’e sai loron mundial.

Nia mos konta tuir esperesia bainhira nia sei estudu iha Jogja (Indonezía) tinan 1989 kuado hamosu tempu rezistensia, oinsa mak  informasaun bele sai ba iha liur ho ativista Indonesia sira ne’e liu hosi Jornalista sira.

“Hau sei estudante hanesan imi baihira hau estudu iha rai liur Jogja no kolega sira iha Denpasar halo jornal ida mai tan iha Malang halo tan jornal ida entaun ami lubuk ida ne’ebe maka iha Jogja  ami komesa hahu hanoin rede klandestina ita metin ona, se kuando ita Timor maka kontinua koalia no hakilar deit buat hotu sei la la,o, mais liu hosi maluk Jornalista sira informasaun ema hotu bele hatene,” hatete Ilidio.

Iha fatin hanesan Diretor Asosiasaun HAK, Manuel Monteiro iha intervensaun dehan komemora loron mundial liberdade imprensa sira atu hanoin hikas sofremento jornalista sira nian hodi solidario no fo liman ba malu.

“Ita hamutuk iha fatin ida ne’e atu selebra loron mundial ne’e hamutuk enkoraja jornalista sira atu servisu ho diak hodi fo informasaun ne’ebe los no iha faktus  no tuir duni instrumentu legal ne’ebe iha Timor Leste” hatete Manuel.

Nia hatutan, Jornalista sira sempre senti situasaun todan hela deit maibe sempre promulga palavra luta nian katak libertasaun total kompleta no tenki atinji mos luta libertasaun do povu liu husi fo informasaun ne’ebe los ba komunidade hodi bele muda sira moris iha situsaun la diak no muda sai ba situsan ne’ebe diak.

Nia dehan, Violasaun Direitus humanus iha TL, ema sei la hatene bainhira la iha Jornalista.

Editór : João DA COSTA I THETIMORNEWS @2017

LEAVE A REPLY

Please enter your comment!
Please enter your name here