Home nasional BUP Preparadu Kompete ELPAR

BUP Preparadu Kompete ELPAR

649
0
SHARE
Vicente Sanches Soares, Vise Sekretariu Jeral BUP. Photo: TTN/Hortencio Sanches

By: Hortencio Sanches

THETIMORNEWS.com, DILI – Bloku Unidade Popular (BUP), partidu koligasaun hosi partidu haat (4) hanesan Partidu Millenium Democratico (PMD), Partidu Republikanu Timorense (PARENTIL), Partidu Demokratiku Republikanu de Timor (PDRT) ho Partidu Liberta Povu Aileba (PLPA) preparadu ona atu kompete iha eleisaun Parlamentar (ELPAR) iha fulan Jullu.

Eis Prezidenti Republika, Jose Ramos Horta wainhira hasoru malu ho lideransa BUP hodi rona politika partidu koligasaun ne’e. Photo: FB Kupa Ermenegildo

Vise Sekretariu Jeral BUP, Vicente Sanches Soares hatete, maske durante hahu husi Governu Aliansa Maioria Parlamentar (AMP) nia ukun to’o ohin loron Partidu Politiku tolu (3) Congresu Rekontruksaun Timor-Leste (CNRT), Frente Revulusioner Timor Leste Independente (FRETILIN) no Partidu Demokratiku (PD) fiar an katak sira mak partidu ne’ebe bo’ot iha Timor – Leste, maibe BUP la hakfodak sira preparadu ona hodi Kompete iha ELPAR.

Nia dehan, tuir observasaun sira nian durante ne’e iha Timor–Leste laiha partidu bo’ot no ki’ik, maibe liberdade mak seidauk iha.

“Durante ne’e ami iha preparasaun muitu ben ba iha ne’eba, hodi kompete ho Partidu CNRT, FRETILIN no PD iha ELPAR,” dehan Vicente ba TTN iha Restaurante Naris Markoni Dili, Kinta (04/05/2017).

Nia hatutan, sira labele dehan sira nia partidu ki’ik, maibe Partidu foun ne’ebe mak preparadu iha estrutura no fasilidade saida de’it.

Lideransa BUP sira iha atividade konsolidasaun partidu koligasaun sira Photo: FB Kupa Ermenegildo

“Ba estrutura no programa mak ita hare saida mak atu akontese laos ita atu sai hanesan organizasaun politika ne’ebe mak ita halo iha passadu hodi promote ne’ebe mak la hun ladikin iha esperiensia sira ita hare liu ba,” dehan nia.

Nia akresenta, iha tempu badak sira sei halo kon ferensia Nasional ida iha Ponta Leste Lospalos hodi lansa programa nasional Partidu nian ho Manual Politika.

Nia dehan, bareira 4% ne’ebe mak Parlamentu Nasional fo sai ida ne’e laos obstakulu bo’ot ba Bloku Unidade Popular (BUP) tanba sira halo ona analiza liu husi Elisaun Prezidensial ne’ebe mak foin liu no sira nia forsa politika durante halo aprosimasaun ba baze.

Editór : João DA COSTA I COPYRIGHT @ 2017

LEAVE A REPLY

Please enter your comment!
Please enter your name here