Home internasional Xefi Redasaun Media Online iha Xina Tenki Hetan Aprovasaun Hosi Governu

Xefi Redasaun Media Online iha Xina Tenki Hetan Aprovasaun Hosi Governu

80
0
SHARE
Governu Xina hahu 1 Junu sei implementa lei foun hodi regula media online sira, inklui jornalisa sira ne'ebe servisu iha media refere tenki tuir treinamentu hosi governu, no nia xefi redasaun tenki hetan aseitasaun hosi governu. Photo: TTN/Agida dos Santos

By: Agida dos Santos

THETIMORNEWS.com, DILI – Governu Xina hahu 1 Junu sei implementa regulasaun foun ida ba media online iha Xina tenki hetan lisensa hosi governu, inklui nia xefi redasaun tenki hetan aprovasaun hosi governu.

Lalaok iha salaun redasaun laran. Photo: Google.com

Laos ne’e deit, jornalista tomak ne’ebe servisu ba media online sira mos tenki hetan treinamentu hosi governu.

Tuir publikasaun BBC nian, regulamentu foun ne’e hasai hosi orgaun cyber Xina nian (CAC), tersa (02/05/2017), se mak halao media online refere tenki iha lisensa, jornalista tenki tuir treinamentu no hetan akreditasaun, inklui nia xefi redasaun governu tenki aseita.

Iha regulasaun ne’e, atendementu notisias “tenki kaer metin valor sosialisme no defende interese povu nian no interese nasional”

Kompana media ne’ebe sosiu ho parseiru internasional tenki tuir “prosedur seguransa nian” ne’ebe halao hosi Konsellu Servisu Informasaun Estadu nian.

Ba kompana media ne’ebe viola regulasaun ne’e, governu sei hasai nia lisensa no obriga tenki selu multa kuaze US$ 4,000.

Regulasaun ne’e mos regula hotu ba aplikasaun, forum internet, blog, media sosiais, messenger, platform streaming, no entidade sira ne’ebe kolekta ou edita notisias ou opiniaun kona ba governu nian, ekonomia, militar, notisias estranjeiru no isu social.

Observador media no eis professor iha Universidade Estudu Estranjeiru iha Beijing, Xina, Qiao Mu, hateten regulasaun ba media ne’e atu “kontrola” kompana media hanesan Tencent.

“Kompana media sei la brani publika isu sensitivu, limita deit notisias finansa, divertementu no desportu,” dehan Qiao Mu ba AFP, Kuarta (03/05/2017).

Antes ne’e, Qiao Mu esplika, kompana media sira iha Xina ho voluntariu halo swansensor tamba impaktu “kontrolu governu ne’ebe makas”, maibe agora “regulamentu ne’ebe la eskrita agora sai klaru no official”

Iha Xina, governu blokea situs sira ne’ebe publika notisias sensitive no media social hanesan Facebook ho Twitter labele asesu, exeptu ho software espesial.

Regulasaun foun ne’e hasai hafoin Lei Seguransa Cyber nian ne’ebe kontroversial ne’e konsidera limita teb-tebes liberdade expresaun.

Organizasaun observasaun Reporters Without Borders ne’ebe sentru iha Paris, semana kotuk tau Xina iha pozisaun 178 hosi nasaun 180 iha lista liberdade imprensa, eskada ida deit iha leten Suriah nian.

* fontes hosi BBC.com

LEAVE A REPLY

Please enter your comment!
Please enter your name here