Home nasional Jornalista Iha “Poder” Halo Kontrolu ba Programa Estadu

Jornalista Iha “Poder” Halo Kontrolu ba Programa Estadu

63
0
SHARE
Konsellu Imprensa (KI) iha Kuarta (03/05/2017) halao konferensia imprensa hodi fo koalia sira nia hanoin ba lalaok jurnalismu iha Timor-Leste. Photo: FB Quito Violet

By: Kontributor Thetimornews

THETIMORNEWS.COM – DILI, Konstituisaun Republica Democratica de Timor-Leste (RDTL) fo dalan no garante knar jornalista sira hodi hato’o informasaun ba publiku, inklui jornalista iha “poder” halo kontrolu ba programa estadu sira nain.

Prezidenti interinu Konsellu Imprensa (KI), Jose Ximenes esplika, jornalista iha poder tomak atu hala’o nia funsaun sosiál hodi kontrola programa sira ne’ebe instituisaun Estadu no governu hala’o tanba knar jornalista nian mos garante ona iha Konstituisaun RDTL iha artigu 40 no 41 kona ba “liberdade imprensa” no “liberdade expresaun”.

Ho ratifikasaun konvensaun internasional kona ba direitu sivil politika ne’ebe Timor-Leste halo, signifika entidade hotu-hotu presiza nakloke atu publiku bele kontrola sira liuhosi atividade jornalismu nian.

Tamba ne’e, jornalista senior ne’e husu ba publiku no esntidade estadu atu respeita atividade jornalistika nian iha ne’ebe deit.

“Konsellu Imprensa husu ba entidade hotu atu respeita knar jornalistika hodi asesu informasaun no bele transmite informasaun ba publiku ho kredivel” dehan José Maria Ximenes iha konferensia imprensa ba loron mundial liberdade imprensa nian, Kuarta (03/05/2017), iha edifisu KI, Quintal Bo’ot, Dili.

Hare’e ba akontesementu ba aktu violensia ne’ebe jornalista Timoroan sira hetan no hahalok deskriminativu ne’ebe ajenti Estadu sira balun komete hasoru mídia no jornalista sira durante ne’e, prezidenti interinu KI ne’e kondena makas ba hahalok hirak ne’e.

Durante nia prezensa, KI rejista ona kazu violensia rua ne’ebe jornalista nain rua sira hetan no kazu diskriminasaun.

Tamba ne’e, nudar orgaun reguladora, KI sei kontinua halo sosializasaun ba Lei Komunikasaun Sosial ba públiku no entidade Estadu nian atu komprende papél media iha prosesu demokrasia.

LEAVE A REPLY

Please enter your comment!
Please enter your name here