Home edukasaun Estudante UNTL Nain 20 Hetan Bolsu Estudus Hosi Osaka Gas

Estudante UNTL Nain 20 Hetan Bolsu Estudus Hosi Osaka Gas

78
0
SHARE

By: Xisto Almeida

Dili (THETIMOR-NEWS.com) – Estudante Universidade Nasional Timor Lorosa’e (UNTL) Fakuldade Enjenaria hamutuk nain 20 hetan bolsu Estudus hosi Kompaña Osaka Gas Japaun.

Reitór UNTL Fransisco Miguel Martins hatete, bolsu estudu ne’e kompaña Osaka Gas atribui ba estudante sira ne’ebé mak ho prestasaun akademika diak.

“Sira nain 20 ne’e hetan selesaun ne’ebé rigorozu no sira nain 20 ne’e mak hetan tanba sira nia prestasaun akademika ne’ebe maka as iha sira nia estudu,” dehan Francisco ba Jornalista iha Salaun Auditoria Liçeu, Kuarta (03/05/2017).

Tanba ne’e mak reitór ne’e enkoraza nafatin estudante sira ne’e atu estuda makas liu tan hodi bele hetan valor ne’ebé mak diak liu tan, nudar fini ba nasaun iha futuru.

Nia dehan, tuir kompaña nia kriteriu kada tinan sempre fó bolsu estudus ba estudante nain 20, ne’e ba deit Fakuldades Enjenaria nian.

Iha fatin hanesan pro-reitór asuntu koperasaun internasional Eduardo Aniceto Serrão dehan, Governu Japaun kontinua nafatin fó apoia bolsu estudus ba UNTL Fakuldade Enjenaria nian.

Komapaña Osaka Gas ne’ebé mak fó bolsu estudus ba estudantes UNTL ne’e hala’o hela operasaun ba mina no gas iha Tasi Timor.

 “Sira iha negosia irigasaun ho minarai no gas,entau ita nia governu fó oportunidade ida ne’e hetan apoiu husi komapnha osakagas internasional husi japaun. Dezde iha tinan 2012 ita asina koperasaun memorandun ho kompaña osakagas liu husi ninia fundasaun osakagas foundation ba internsaional sira oferese bolsu estudus ba ita nia estudante UNTL,” dehan Eduardo.

Nia dehan, hahu hosi tinan 2013 to’o agora estudantes hamutuk nain 1010 ona mak hetan benefisiu hosi bolsu estudus ne’e.

Tuir planu tinan ida ne’e aumenta ba nain 30 orsamentu mai hosi kompaña ba bolseiru sira ne’e kada ema $ 500 dolar kada ema iha tinan ida nia laran.

LEAVE A REPLY

Please enter your comment!
Please enter your name here