Home nasional Empedementu Governu ba Jornalista Sei Akontese

Empedementu Governu ba Jornalista Sei Akontese

158
0
SHARE
Jornalista 225 Fiksu ona halo kobertura Elpar.

By: Hortencio Sanches

DILI (THETIMOR-NEWS.com) – Maski artigu balun iha Lei Komunikasaun Sosial fo ona dalan atu instituisaun governu sira labele taka ou subar informasaun ba jornalista sira, hahalok empedementu governu ba jornalista sira kontinua lao.  

Raimundo Oki, Jornalista Timor Pos ne’ebe dadauk ne’e kona hela kazu hasoru Primeiru Ministru Dr. Rui Maria de Araujo relasiona ho ninia notisias ne’ebe publika iha Timor Pos. Photo: TTN/Hortencio Sanches

Iha Timor-Leste, dadauk ne’e Jornalista barak mak sai vitima ba membru seguransa sira no dala balun mos sai vitima ba hahalok husi instituisau governu sira nian hodi taka an ba publiku kona ba interese nasaun ninian ne’ebe mak  merese publiku atu hatene.

“Ita iha ona lei kona ba komunikasaun sosial iha ne’eba artigu  lubuk ida no iha ida koalia kona ba atentadu hasoru Jornalista ka empede Jornalista halo nia servisu ne’e krimi bele hetan prizaun tinan 3, kona ba  ita nia maluk sira iha governu balun ne’ebe mak bandu jornalista atu hasai informasaun dalaruma sira ne’e la komprende lei komunikasaun ne’ebe  governu rasik mak halo,” dehan Raimundo Oki, jornalista Timor Pos ba TTN iha komemorasaun loron mundial ba liberdade imprensa nian, Kuarta (03/05/2017), iha Jardim 5 de Maio, Colmera, Dili.

Banner ba selebrasaun Loron Mundial Media nian ne’ebe organiza hosi Assosiasaun Jornalista Timor-Leste iha Jardim 5 de Maiu Colmera, Dili. Photo: TTN/Hortencio Sanches

Nia hatutan, lei komunikasaun Sosial  nian ne’ebe governu halo liu husi konsultasaun ho assosiasaun Jornalista nian hanesan Assosiasaun Jornalista Timor-Leste (AJTL) no Timor-Leste Press Union (TLPU) tuir nia sei nafatin iha nia frakeza.

“Iha parte ida nia frakeza mak prosesu sosializasaun, tanba ne’e mak dalaruma mosu sasan hirak hanesan ne’e tanba limitasaun husi koinesimentu kona ba lei ne’e rasik, ne’e duni hau suzere Konsellu Imprensa tenke sosializa lei ne’e  ba ofisial sira iha governu no ita nia governante sira  mos tenke hatene sira nia an tanba  sira laos hanesan sidadaun bai-bain,” dehan Oki.

Selebrasaun ne’ebe jornalista Timoroan sira halo iha Jrdim 5 de Maio, tuir nia atu dignifika jornalista sira ne’ebe uluk mate iha Outubru 1975 iha Balibo no fatin seluk tan.

Jornalista TTN, Hortencio Sanches intervista hela jornalista RTTL, Nuno Saldanha kona ba nia observasaun ba lalaok jurnalismu iha Timor-Leste. Photo: FB Cailaq Mane Lito

Kona ba nia kazu ho Primeiru Ministru Dr. Rui Maria de Araujo, nia entrega tomak ba prosesu judisiariu tamba tama ona iha prosesu julgamentu. Maibe, nudar jornalista nia sei la hakiduk no tauk.

Nia fo hanoin katak, bainhira sidadaun ida assume ona kargu hanesan governante  tenke hamenus nia privasidade atu nune’e bele nakloke ba  publiku.

Iha fatin hanesan, Nuno Saldanha nudar jornalista iha Radio Televisao Timor-Leste (RTTL), husu nafatin ba kolega jornalista sira atu tau an nudar ema independent bainhira hato’o informasaun ba Publiku.

“Jornalista  hadomi nia profisaun signifika katak nia knar ne’ebe mak agora daudaun nia asumi laos fasil ba ema  hotu atu halo, se nia sente laos fasil entaun nia tenke hatur nia an hanesan jornalista ida ne’ebe mak  profisional atu bele sai hanesan kontrolu social ida,” dehan Nuno Saldanha.

Nia hatutan, iha Timor – Leste jornalista hanesan orgaun soberanu ida ba dala  lima (5) no ida ne’e media mak tenke garante liberdade no povu nia  direitu iha nasaun ida ne’e.

Tamba ne’e, nia mos fo hanoin ba kolega jornalista sira wainhira halo kobertura atu labele tauk ho ameasa ne’ebe mosu ou hakkiduk wainhira hetan agresaun fiziku hosi se-se deit, inklui membru seguransa sira.

“Jornalista iha Timor – Leste infrenta agora daudaun sai vitima ba seguransa no governante sira, Ida ne’e tamba ema  sira ne’e alerziku ho media sira ne’ebe mak agora daudaun ejiste iha Timor – Leste signifika katak, sira halo buat ruma lalos mak sira alergi no uja meus  seluk mak hanesan halo agresaun fiziku tanba sira lakoi liberdade ida mosu iha Timor ne’e atu povu hatene sira nia foer.

LEAVE A REPLY

Please enter your comment!
Please enter your name here