Home nasional 22 Jullu, Povo Desidi Destinu Parpol ba PN

22 Jullu, Povo Desidi Destinu Parpol ba PN

211
0
SHARE
Elitores 760.907 Fiksu ona Partisipa iha Elpar 2017.

By: Hortencio Sanches

DILI (THETIMOR-NEWS.com) – Loron ne’ebe Partidu Politiku (Parpol) sira hein atu kompete ikus iha duni ona, destinu parpol sira atu ba Parlamentu Nasional (PN) povu mak sei desidi iha loron 22 Jullu nudar loron ba eleisaun lejislativu ou Parlamentar.

Presiden Republika, Taur Matan Ruak ho nia espoza Isabel Ferreira wainhira fo sira nai votos iha Eleisaun Presidensial 20 Marsu liu ba. Photo: TTN/Alarico Pereira
Brigada STAE sira sura hela votos ne’ebe halao iha Eleisaun Presidensial 20 Marsu. Photo: TTN/Alarico Pereira

Liu hosi komunikadu imprensa ne’ebe Gabinete Presidensia Republika publika, Prezidente Republika deside marka loron elisaun lejislativa, tanba konsidera katak nia iha obrigasaun atu asegura lala’ok regular instituisaun demokratika sira nian to nia  mandatu nia rohan nomos labele atraza tan markasaun ba eleisaun tanba bele afeita ba kalendariu eleitoral.

Komunikadu ne’e mos hakerek katak, PR hein katak atividade hot–hotu ne’ebe maka envolve iha prosesu eleisaun ba Parlamentu Nasional, inklui ressensiamentu, hatama kandidatura, halo kampaina, vota, fo fiar rezultadu eleitoral no konstitui Parlamentu Nasional no Governu foun, sei lao ho livre, justu no hakmatek, nune’e prosesu elisaun hirak – ne’e bele sai festa demokrasia ida tan.

Markasaun loron lejislativa tarde tanba Tribunal Rekursu halao kompetensia legal sira ba Lei Eleitoral ba  Parlamentu Nasional pakote ho loron markasaun loron elisaun lejislativa.

Eleisaun Parlamentar period ne’e sei kompete hosi partidu politiku hamutu 36 ne’ebe Tribunal Rekursu rekonese ona nia legalidade.

Dadauk ne’e iha partidu politiku hat deit mak hetan asentu hodi tuur iha Parlamentu Nasional. Partidu hat ne’e mak Congresso Nacional Rekontrução Timor-Leste (CNRT) ho kadeira 30, FRETILIN (25), PD (8) no Frenti-Mudança (2).

LEAVE A REPLY

Please enter your comment!
Please enter your name here