Home nasional Komemora Loron Mundial Traballador, Salariu Minimu “Kesi Metin” Traballador Hosi Kiak

Komemora Loron Mundial Traballador, Salariu Minimu “Kesi Metin” Traballador Hosi Kiak

119
0
SHARE
Traballador Timoroan sira komemora loron mundial traballador nian, Segunda (01/05/2017), iha Largo Lecidere, Bidau. Photo: TTN/Hortencio Sanches

By: Hortencio Sanches 

DILI (THETIMOR-NEWS.com) – Traballador sira iha Timor-Leste komemora loron mundial traballador nian hodi kontinua hato’o sira nia preokupasaun, espesialmente ba salariu minimu ne’ebe konsidera la justu ba traballador sira no kontinua “kesi metin” traballador sira hosi kiak no mukit.  

Traballador Timoroan sira lao ain hodi komemora loron mundial traballador nian, Segunda (01/05/2017), ne’ebe konsentra iha Largo Lecidere, Dili. Photo: TTN/Hortencio Sanches

Komemorasaun loron mundial traballador ne’ebe konesidu ho may day ne’ebe selebra iha 1 Maiu iha Timor-Leste organiza hosi Konfederasaun Sindikatu Timor-Leste (KSTL) nudar umbrella ba traballador sira iha Timor-Leste. Komemorasaun may day iha Timor-Leste konsentra iha Largo Lecidere, Kapital Dili ne’ebe partisipa kuaze rihun ba rihun.

Domingos do Carmo hanesan traballador iha kompania Timor Block Comoro husu ba nai ulun sira bele rona netik sira nia lian iha loron espesial ne’e (may day) hodi kria lalais lei kona ba salariu nian ba sira atu nune’e sira labele mate deit ho salariu 115.

“Ami la husu governu atu hasa’e ami nia salariu hanesan nai ulun sira, maibe hasa’e netik ba to’o US$ 150,” dehan Domingos ba TTN iha Largo Lecidere Segunda (01/05/2017).

Nia hatutan, ho salariu minimu ne’ebe sira simu, la to’o ba sira tamba folin sasan dadauk ne’e mos iha merkadu karun teb-tebes.

Iha komemorasaun ne’e, traballador sira lian ida deit hodi ejiji ba governu bele altera lei traballador nian, espesialmente iha artigu salariu minimu.

Tamba ne’e, nudar organizasaun mahon ba trabaallador sira iha Timor-Leste, KSTL sei haruka karta ida ba iha Primeiru Ministru, Dr. Rui Maria de Araujo hanesan ulun Governu ninian atu nune’e bele hare oinsa rezolve salariu ba traballador sira.

Sekretariu Geral KSTL, Jose da Conceição da Costa hatete traballador hanesan makina ida ne’ebe mak halo servisu todan tebes, maibe to fulan simu deit US$ 115, uza deit ba semana ida no semana seluk ba deve ona.

“Se ita husik lei traballador ne’e hanesan hela deit ne’e ita lalika mehi katak atu hasai traballador sira husi kiak no mukit iha Timor – Leste,” dehan Jose da Costa iha Bidau Lesidere, Segunda (01/05/2017).

Ejijensia traballador sira ne’e, KSTL sei luta nafatin hodi lori ba govenru nune’e bele dekuti iha Konsellu Ministru nudar orgaun ezekutivu ba kualker dezisaun govenru nian.

“Maske la to 100%, maibe tenke to’o 60% atu nune’e bele hadia traballador sira nia nesisidade moris lor-loron nian tanba trabaillador mak makina ne’ebe servisu todan tebes. Ita hotu hein prosesu hirak ne’e sei lao diak ba oin,” dehan Jose da Costa.

LEAVE A REPLY

Please enter your comment!
Please enter your name here