Home dezenvolvimentu Jacinto Group Sei Loke Fabrika Bateria Aat

Jacinto Group Sei Loke Fabrika Bateria Aat

222
0
SHARE

By: Hortencio Sanches

DILI (THETIMOR-NEWS.com) – Kompana nasional ne’ebe lidera hosi emprezaria feto Timoroan, Jacinto Group sei loke fabrika ba bacteria aat nune’e bele loke tan kampu traballu ba Timoroan sira ne’ebe sedauk hetan servisu.

“Iha tempu badak hau mos sei loke tan fabrika ida kona ba bataria at sira, iha ne’eba bele fo tan servisu ba traballador sira, ida ne’e mak hau bele halo mesmu nia buat kiik maibe iha ita nia maluk balun hanoin  mos hanesan hau balun konsege no balun la konsege,” dehan Claricia Lay, nain Jacinto Grup ba TTN, Tersa (02/05/2017).

Nudar feto ne’ebe ho profisaun emprezariu, Jacinto Group iha komitmentu nafatin hodi hamutuk ho governu dezemvolve Timor-Leste hosi parte setor privadu nian.

Maski kestaun traballador durante ne’e ejiji atu hasa’e sira nia salariu minimu, emprezaria ne’e hatan ho pozitivu katak, saida mak traballador sira ejiji ne’e pozitivu, maibe traballador sira mos tenki hatudu nia komportamentu diak liu hosi prestasaun servisu ne’ebe nia halo.

“Ita hasae salariu boot ne’e diak laos dehan ladiak lae, maibe ita hare kompania hira mak bele selu, se kuandu ita hasae salariu minimu ne’e boot mak kompaina iha rai liur rona sira baruk atu mai investe iha ita nia nasaun,” denan Claricia Lay ne’ebe atual mos nudar vise presidenti Camara Comersiu Industria Timor-Leste (CCI-TL).

Tuir emprezaria ne’e, problema laos iha salariu, maibe wainhira traballador ida hatudu nia servisu diak no kompaina hare’e nia merese duni atu simu osan tuir nia prestasaun no kapasidade servisu, kompania iha dever duni atu halo ne’e.

Izemplu, iha nia kompania rasik, Jacinto Group dadauk ne’e mos brani osan fo salariu ba nia traballador ida to’o US$ 1,500 no US$ 1,000 mai kraik.

“Iha ona kompania balun mak fo ona salariu diak ba nia traballador sira, hanesan hau nia kompania agora daudaun hau selu sira balun 1,500 no balun 1,000 mai kraik bazeia ba ema ne’e nia kapasidade servisu,” dehan Claricia.

Tamba ne’e nia husu ba traballador sira, “Ita primeiru tenke eduka lai ita nia traballador sira, oinsa ema nudar traballador ida, se kuandu ita fo 200 ba nia, nia sente ona osan ne’ebe mak nia hetan ne’e to ona ba nia mak nia servisu baruk hela deit, mais hanesan agora ita fo salariu 115 hau hanoin ida ne’e laos ki’ik ba ita nia nasaun,” tenik nia.

“Hau fo hau nia kongratulasaun ba traballodor Timoroan sira ne’ebe selebra loron mundial traballador nian,” hato’o Claricia.

LEAVE A REPLY

Please enter your comment!
Please enter your name here