Home nasional Governu Fo Hanoin Traballador Servisu Tenki Iha Kontratu

Governu Fo Hanoin Traballador Servisu Tenki Iha Kontratu

108
0
SHARE
Traballador Timoroan sira komemora loron mundial traballador nian, Segunda (01/05/2017), iha Largo Lecidere, Bidau. Photo: TTN/Hortencio Sanches

By: Hortencio Sanches

DILI (THETIMOR-NEWS.com) – Atu labele iha dezintendementu entre nain ba kompania no traballador wainhira mosu problema, Sekretaria Estadu Politika Formasaun Profisional no Empregu (SEPFOPE) fo hanoin ba traballador Timoroan sira servisu tenki iha kontratu.

Maski dadauk ne’e governu rekonese salariu minimu iha Timor-Leste sei sai problema, maibe tamba lei mak regula ona nune’e. Ilidio Ximenes nudar Sekretariu Estadu Politika Formasaun Profisional Empregu husu ba Timoroan sira ne’ebe servisu ba kompania ne’ebe deit tenki iha kontratu nune’e wainhira kompana viola ba salariu miniu traballador nian bele hato’o ba SEPFOPE no KSTL (Konfederasaun Sindikatu Timor-Leste).

“Ne’e duni traballador sira iha Timor kuandu atu servisu iha kompana ruma tenke iha kontratu ho kompana atu nune’e bele hatene tuir lolos salariu ne’ebe mak imi hetan,” dehan Ilidio ba jornalista iha CCD Dili, Segunda (01/05/2017), relasaun ho loron mundial traballador nian.

Tamba ne’e Ilidio hateten, traballador sira tenke prepara an halo didiak ho buat ne’ebe mak pozitivu nune’e situasaun bele lao ba oin diak nafatin.

“Parabens ba traballador Timoroan tomak iha rai laran no rai liur, inan aman sira joven sira ne’ebe mak iha area remotas, imi nia kontribuisaun ba dezenvolvimentu governu valoriza,” dehan Ilidio.

Nia hatutan, ”Governu dignifika ba traballador sira hotu, tanba traballador mak xave ba dezenvolvimentu.”

LEAVE A REPLY

Please enter your comment!
Please enter your name here