Home nasional Francisco Kalbuadi Lay Sekjer Foun CNRT

Francisco Kalbuadi Lay Sekjer Foun CNRT

88
0
SHARE
Francisco Kalbuadi Lay, Sekretariu Jeral foun Partidu CNRT fo hela nia votos durante sesaun eleisaun ba estrutura CPN (Komisaun Politik Nasional) ne'ebe nia Prezidenti mak Kay Rala Xanana Gusmao. Photo: TTN/Hortencio Sanches

By: Hortencio Sanches

DILI (THETIMOR-NEWS.com) Ministru Turismu Arte no Kultura, Francisco Kalbuadi Lay iha kongressu nasional datoluk Partidu Congressu Nasional Rekontrusaun Timor-Leste (CNRT) eleitu ba kargu sekretariu jeral (sekjer) hodi troka Dionisio Babos Soares ne’ebe asumi kargu ne’e durante tinan 10.

Presidenti Partidu CNRT, Kay Rala Xanana Gusmao fo tomada posse ba nia estruturavis epresidenti nain 6 no sekretariu jeral ho nia vise nain 3.. Photo: TTN/ Hortencio Sanches.
Aderito Hugo (Prezidenti Parlamentu Nasional, numeru 1 hosi liman karuk) no eis Sekretariu Jeral Partidu CNRT, Dionisio Babo Soares (klaran) no Francisco Kalbuadi Lay hasai foto hamutuk kandidata sira nia an ba kargeu sekretariu jeral Partidu CNRT ne’ebe manan hosi Francisco Kalbuadi Lay. Photo Media CNRT

Francisco Kalbuadi Lay ne’ebe eis Prezidenti Komisaun Diretiva Nasional (CDN) P-CNRT, sei asumi kargu ne’e ba tinan lima oin (2017-2022). Iha kargu Prezidenti nian, Kay Rala Xanana Gusmao kontinua hetan konfiansa hosi delegadu kongressu sira hodi kesi metin artigu ida katak pozisaun prezidenti labele troka hosi ema seluk, wainhira Kay Rala Xanana Gusmao laiha ona.

“Hanesan ihahau nia kampana kandidatura, hau sei realiza promesa neebe hau hato’o ba delegadu sira iha kongressu ne’e katak hau sei foti hau nia lisensa nudar ministru hahu Junu hodi konsetra hamutuk iha partidu nune’e bele lori partidu ne’e hetan nia vitoria iha eleisaun parlamentar,” komentariu Francisco Kalbuadi Lay ba TTN, hafoin eleitu iha kongressu, Segunda (01/05/2017), iha CCD, Dili.

Eis Dionisio Babo Soares hare’e votos Francisco Kalbuadi Lay nian to’o ona numeru 460, nia hakbesik kedan Francisco Kalbuadi Lay hodi fo parabens. Maibe, to’o rezultadu hotu, kandidatu Aderito Hugo ne’ebe iha nia kampana promesa sei loke sede nasional partidu nian durante 24 oras, “lakon” no la hare’e fo parabens ba Francisco Kalbuadi Lay.

Prosesu eleisaun ba kongressu hili estrutura CPN (Commisaun Politika Nasional) ne’e remata iha tuku 4.30 madrugada oras Timor-Leste.

Iha eleisaun kongressu nian, Francisco Kalbuadi Lay pakote ho nia vise presidenti nain 6 no vise sekretariu jeral nain 3. Kompozisaun vise nain 6 ne’e maka Antonio da Costa Bucar “Mau-Huno”, Virgilio Smith (2), Maria Bisoi (3), Tomas Cabral (4), Bendito dos Santos

Presidenti Partidu CNRT, Kay Rala Xanana Gusmao asina karta tomada posse ba Nelio Isaac Sarmento ne’ebe eleitu mos nudar membru CDN (Komisaun Diretiva Nasional). Photo: TTN/ Hortencio Sanches.

Freitas(5), no Francisco da Costa (6). Nain 3 ne’ebe sai nia vise sekretariu jeral mak Jacinto Rigoberto (1), Francisco Guterres (2) no Jacinto Viegas Roque.

Pakote Francisco Kalbuadi Lay tama iha lista B hodi kompete ho pakote rua seluk ne’ebe Prezidenti Parlamentu Nasional, Aderito Hugo avansa nudar kandidatu sekjer hodi kompete mos ho eis sekjer, Dionisio Babo Soares.

Lista Aderito Hugo tama iha Pakote A ho kompozisaun hanesan vise prezidenti mak Agio Perriera, Germano da Silva Perreira(2), Bilou Mali (3), Natalino dos Santos (4), Delfina Fatima (5), no Marcos Fuca (6), Nia vis esekjer mak Amandio de Sa Benevides (1), Julio Tomas Pinto (2) no Angela Maria Corvelho (3).

Pakote C Kompostu husi Vise Prezidente Virgilio Smith (1), Eduardo de Deus Bareto (2), Duarte Nunes (3), Jacinto Viegas Vicente (4), Januario Perreira (5), Arao Noe (6), Sekjer mak Dionisio Babo Soares, Vise sekjer Jacinto Rigoberto (1), Idelta Maria Rodrigues (2) no Antonio Guterres (3).

Iha nia eleisaun, delegadu kongresita sira hili Francisco Kalbuadi Lay hamutuk ho nia pakote B ho total votos maioria 531 votos, Pakote Aderito Hugo nian hetan votos 188 no pakote Dionisio Babo Soares nian hetan votos 195. Iha mosvotus nulu 73 no branku 7 hosi total delegadu 993 ne’ebe hili, exeptu Kay Rala Xanana Gusmao ne’ebe la hola parte iha prosesu ne’e.

Francisco Kalbuadi Lay antes iha Partidu CNRT, nudar mos politikus iha Partidu FRETILIN. Iha eleisaun lejislativu dahuluk tinan 2002, Francisco Kalbuadi Lay mos hola parte nudar deputadu.

LEAVE A REPLY

Please enter your comment!
Please enter your name here