Home politik Timoroan Tenki Sai Autor ba Nia Politika

Timoroan Tenki Sai Autor ba Nia Politika

340
0
SHARE
Prezidenti CNRT, Xanana Gusmao kaer liman ho Prezidenti PD, Mariano Assanami Sabino iha sesaun kongressu nasional partidu CNRT nian ba datoluk, Sexta (28/04/2017). Photo: FB Julio Goncalves

By: Hortencio Sanches / THETIMORNEWS

THETIMOR-NEWS.com (DILI) – Prezidenti Partidu Congressu Nasional Rekonstrusaun Timor-Leste (CNRT), Kay Rala Xanana Gusmao bolu atensaun ba Timoroan hotu tenki sai autor ba nia politika.

“Timoroan hotu tenki sai autor ba nia politika no lalika hakruk demais ba relatoriu internasional, nebe dehan deit ka repete hela deit buat nhanesan ba rai hot-hotu nebe seidauk dezenvolvidus, hosi padraun ida deit kona ba solusaun hanesan ba rai hot-hotu hodi la ajusta ba realidade ka espesifisidade rai-ida-idak nian,” dehan Xanana iha nia deskursu ba abertura kongressu nasional Partidu CNRT ba datoluk, Sexta (28/04/2017), iha Sentru Konvensaun Dili.

CNRT, dehan Xanana, la simu prinsipiu ne’ebe sala hodi tau Rai hot-hotu iha kaut ida deit, hodi sukat sira tomak ho sasukat hanesan, hodi la konsidera diferensia bo’ot entre Rai dezenvolvidu ida ho tinan atus ba atus, ho fali rai foun ida ho deit tinan 15.

“CNRT fo atensaun makas ba rezultadu hosi sensus ne’ebe tempu ba tempu hatudu lolos dadus nebe krediveis kona-ba ita nia sosiedade nia moris. CNRT la afirma katak buat hot-hotu at nafatin ka seidauk halo buat ida iha rai ida ne’e ka buat hotu nebe halo ona le fo liu benefisiu ba ita nia povu,” Xanana afirma.

Xanana kontinua, nudar part eida hosi governu ne’ebe mosu iha tinan hirak ne’e, CNRT sempre hakas an atu buka define pratikas lolos ba administrasaun publika ida ke tenki diak. Maski rekonese avansus bo’ot iha departementu Estadu nia balun.

“Konkorda mos katak buat barak sei iha atu hadia,” hateten Xanana hodi rekonese buat balun mak governu persiza hadia.

Tamba ne’e, liu hosi kongressu nasional nian nebe ho tema Konsolida Partidu, hodi servi diak liu. NIa hateten, konsolida la signifika uluk no ikus liu atu kaer metin no aumenta numeru simpatizante.

“Konsolida partidu signifika liliu aumenta kapasidade partidu nian atu entende didiak assuntus ita nia rain. Tamba ne’e importante teb-tebes atu hatene kona ba papel ka knar saida mak partidu tenki kaer iha ita nia Estadu ne’ebe ita hotu hakarak sai Estadu modern ida,” dehan Xanana.

LEAVE A REPLY

Please enter your comment!
Please enter your name here