Home politik CNRT Kaer Metin Politiku Koperasaun ho Nasaun ASEAN no CPLP

CNRT Kaer Metin Politiku Koperasaun ho Nasaun ASEAN no CPLP

233
0
SHARE
Prezidenti CNRT, Xanana Gusmao.Photo: FB Julio Goncalves

By: Hortencio Sanches / THETIMOR-NEWS

DILI  – Partido Congresso Nacional Recontrucao Timor-Leste (CNRT) kontinua kaer metin prinsipiu hodi halo koperasaun diak ho nasaun ASEAN (Association South East Asian Nation) sira no mos nasaun CPLP (Communidade Pais Lingua Portuguesa).

Komitmentu CNRT nian ne’e, hato’o hosi Prezidenti Partidu CNRT, Kay Rala Xanana Gusmao iha nia deskursu abertura ba kongressu nasional datoluk ne’ebe halao iha Sentru Konvensaun Dili, Sexta (28/04/2017).

Xanana hateten, CNRT sei kontinua ho politika atu buka adezaun Timor-Leste nian ba ASEAN, hanesan oportunidade ida ba nasaun ne’e atu bele hakat ba areas oi-oin, iha ne’ebe karik Timor-Leste bele desempena papel importante ruma.

“CNRT mos sei kontinua ho politika relasoens espesiais ho paizes CPLP nian, no sei fo apoiu tomak ba esforsu saida deit mak mosu atu promove lasus ekonomikus diak liu iha CPLP nia laran, ho rai sira ne’ebe ita iha lasus istorikus no kulturais,” dehan Xanana.

Nune’e mos iha politika externa nian, CNRT sei kontinua ho politika boa-vinansa no kooperasaun ho paises hot-hotu, husi Azia to’o pasifiku, no sei respeita asuntus internus pais ida-idak nian, hodi husu mos atu relasoens ho Timor-Leste bele hatudu no ho prinsipiu hotu hanesan.

CNRT, esplika Xanana, partidu ida ne’ebe sei defende makas nesisidade dialogu entre sivilizasaun no entre rejimes, tamba so dialogu ne’ebe honestu, humilde no franku, bele hatudu dalan ba paz.

“To’o ohin loron saida mak ita hare maka politikas kona ba ameasa malu deit, soran malu deit, ne’ebe so bele produz trajedia bo’ot teb-tebes ba humanidade tomak,” dehan Xanana.

LEAVE A REPLY

Please enter your comment!
Please enter your name here